Búginnen bastap qazaq tilindegi «Iаndeks Karty» navıgasııalyq qosymshasy barsha otandastarymyz úshin qoljetimdi bolyp otyr. Toponımder jáne uıym ataýlarymen qosa, qosymshanyń tolyq ınterfeısi de qazaq tiline aýdarylǵan. Sondaı-aq baǵyt ustanýǵa kómektesetin dybystyq keńester de aýdarylǵan.
Osy oqıǵaǵa oraı Almatyda baspasóz máslıhaty ótip, Iаndeks Karty óniminiń halyqaralyq jetekshisi Evgenıı Shılnıkov pen Qazaqstandaǵy Iаndeks Taksı basshysy Baıdúısen Taıyr, qazaqsha Iаndeks Karty navıgasııalyq qosymshasy qandaı jańa múmkindikter usyna alatyndyǵy, Iаndeks Taksıde Kart tehnologııalary qalaı qoldanylatyny týraly baıandady.
Qazirgi tańda «Iаndeks Karty» qosymshasyn Qazaqstanda 800 myńǵa jýyq adam qoldansa, bul ótken jylmen salystyrǵanda 85%-ǵa artyq.
Endigi tjerde Iаndeks Karty qosymshasynyń jańartýlary IOS pen Android-qa shyǵyp ta qoıǵan. Memlekettik tildiń qosylýy eldegi qazaq tilin biletin jáne ony kúndelikti ómirde qoldanatyn turǵyndar úshin bul qyzmetti burynǵydan da yńǵaıly ete túspek.
«Biz Qazaqstannyń barsha halqyna múmkindiginshe yńǵaıly navıgasııalyq qosymsha usynýǵa umtylyp jatyrmyz. Endi ol tek orys tilinde ǵana emes, qazaq tilinde de qoljetimdi bolǵandyqtan, biz osy maqsatqa jaqyndaı bastadyq. Dybystyq keńesterdiń qazaq tilinde paıda bolýynyń mańyzdylyǵy týraly bólek atap ótkim keledi, óıtkeni ony Qazaqstandaǵy Iаndeks Karty qoldanýshylarynyń 90%-y paıdalanady», dedi Iаndeks Karty óniminiń halyqaralyq basshysy Evgenıı Shılnıkov.
Sonymen IOS-ta qosymshanyń tilin telefon baptaýynda, al dybystyq keńestiń tilin – Kart qosymshasynyń baptaýynda aýystyra alasyz: «Daýystar jáne eskertpeler» – «Annotasııa tili» – «Qazaqsha»
Android-ta barlyǵyn qosymshanyń ishinde aýystyrýǵa bolady. Interfeıs tilin aýystyrý úshin «Baptaýlar» – «Karta jáne ınterfeıs» – «Til» – «Qazaqsha». Al qazaqsha keńesterdi qosý úshin – «Baptaýlar» – «Daýystar jáne eskertpeler» – «Annotasııa tili» – «Qazaqsha».