Abaı oblysynyń Tótenshe jaǵdaılar departamenti ormandaǵy órtti sóndirý barysy týraly baıandady, dep habarlaıdy Egemen.kz.
Jergilikti Tótenshe jaǵdaılar departamenti usynǵan derekterge qaraǵanda, qazirgi ýaqytta tartylǵan kúshter men quraldar tórt ýchaskede; Podnebesnoe, Jernovka aýyldarynda, Shýlbınsk kentinde, Qashtaq ormanshylyǵynda órt sóndirý jumystary jalǵasyp jatyr. О́rtti sóndirý tómengi bólikte jáne avıasııa arqyly júrgizilip jatyr.
Jedel shtabtyń málimetinshe, eldi mekenderge qaýip tónip turǵan joq.
О́rtke qarsy araqashyqtyq men mıneraldandyrylǵan jolaqtardy jasaý, órt oshaqtary men órttiń perımetri boıynsha jıekterge sý tógý, órttiń jıegin topyraqpen jabý jáne toltyrý jumystary jalǵasyp jatyr.
Tańerteń júrgizilgen aerovızýaldy barlaý nátıjesinde kúshter men quraldar órtti jedel sóndirý úshin Qashtaq ormanshylyǵyna jiberildi.
О́rt sóndirýshilerdiń jedel qabyldaǵan sharalarynyń, úılesimdi jumysynyń arqasynda órttiń taralýyna jol berilmedi.
Sonymen qatar tartylǵan tikushaqtar órt aýmaǵyn aerovızýaldy tekserýdi jáne órt oshaqtaryna sý aǵyzýdy júzege asyryp jatyr. Búgin tańǵy saǵat 6.00-dan beri barlyǵy 214 ret kólemi 600 tonna sý aǵyzyldy. О́rt bastalǵaly beri barlyǵy 2 100-ge jýyq ret kólemi 6 000 tonnadan astam sý aǵyzyldy.
Budan basqa, TJM áýe kemeleri kúshterdi jedel den qoıý qajet ýchaskelerge tasymaldaýdy júzege asyrady.
Osy ýaqytqa deıin jedel jeli telefonyna 188 qońyraý kelip tústi. TJM jáne TJD jedel jelisiniń telefondary: 8 7172 53 32 84, 8 7222 35 38 31.
«Qazgıdromet» sınoptıkteriniń derekteri boıynsha 14 maýsymǵa aýa-raıy boljamy: jaýyn-shashynsyz, soltústik, soltústik-shyǵys baǵyttaǵy jeldiń jyldamdyǵy 15-20 m/s, ekpini 23-28 m/s bolady, aýa temperatýrasy túnde +8+130S, kúndiz +20+250S.
15 maýsymda jaýyn-shashynsyz, soltústik baǵyttaǵy jeldiń jyldamdyǵy 9-14 m/s, ekpini 17-22 m/s bolady, túnde aýa temperatýrasy +5+100S, kúndiz +23+280S.