Astanada ótip jatqan Halyqaralyq eriktiler forýmynyń alǵashqy sessııasynda Parlament Senatynyń depýtaty Nurtóre Júsip Senat tóraǵasy Máýlen Áshimbaevtyń quttyqtaý hatyn oqyp, sálemin jetkizdi, dep habarlaıdy Egemen.kz.
Memleket basshysy Qasym-Jomart Toqaevtyń bastamasymen Qazaqstanda 2020 jyly «Eriktiler jyly» dep jarııalandy. Nátıjesinde qaıyrymdylyq salasynda jańa jobalar qolǵa alynyp, iske asyryla bastady. Búgingi forým da sonyń aıqyn nátıjesi.
Osy tusta Nurtóre Júsip pandemııa kezinde álemniń túkpir-túkpirinde muqtajdarǵa kómek qolyn soza bilgen eriktilerdiń erekshe jumysyna tánti bolǵanyn jasyrmady.
«Eriktiler dárigerlerge, tártip saqshylaryna, muqtaj otbasylarǵa kómektesti. Indetpen kúrestiń aldyńǵy shebinde júrdi deýge bolady. Ýaqyt ótken saıyn Qazaqstanda eriktiler qyzmetiniń aıasy keńeıip keledi. Byltyr elimizde ótken álemdik dástúrli dinder lıderleriniń 7-sezinde de volonterler úlken qyzmet kórsetkenin bilemiz. Sol aýqymdy is-sharaǵa 500-den astam erikti qatysyp, úlken úles qosty», dedi senator.