19 maýsymda elordadaǵy Qorǵaljyn tas joly men Qosshyǵa baratyn aınalma jol arasynda qýraǵan shóp pen qamys órtengen edi. Keshe qalany qalyń tútin basty. Saldarynan segiz adamǵa ys tıgen, onyń ishinde eki bala bar, dep habarlaıdy Egemen.kz.
Mamandardyń aıtýynsha, Astanadaǵy órtten keıin bas aınalý jáne júrek aıný shaǵymdary boıynsha alty eresek adam men eki bala aýrýhanaǵa jetkizilgen.
«Kómekke júgingen naýqastarda bas aınalý, júrek aıný belgileri boldy. Olarǵa ambýlatorııalyq deńgeıde ýaqtyly medısınalyq kómek kórsetildi. Qazir 14 jasar bala aýrýhanada em alyp jatyr, jaǵdaıy turaqty», delingen qalalyq qoǵamdyq densaýlyq saqtaý basqarmasy taratqan habarlamada.