1 shildede Premer-mınıstrdiń birinshi orynbasary Roman Sklıar Pavlodar oblysyna jumys saparymen baryp, Pavlodar jáne Ekibastuz qalalarynda júrgizilip jatqan jóndeý jumystarynyń jáne aldaǵy jylý berý maýsymyna daıyndyq barysymen tanysty, dep habarlaıdy Egemen.kz Úkimettiń baspasóz qyzmetine silteme jasap.
Jumys sapary barysynda Premer-mınıstrdiń birinshi orynbasary Ekibastuz JEO-syna baryp, táýlik boıy jóndeý-qalpyna keltirý jumystary júrgizilip jatqan ýchaskelerdi aralady.
Stansııadaǵy 10 qazandyqtyń barlyǵyn jóndeý kózdelgen, onyń ishinde 8 qazandyqta kúrdeli jóndeý júrgiziledi. Bıýdjet qarajaty esebinen 5 sý jylytý qazandyǵyna kúrdeli jóndeý jumystary júrgizilip jatyr. «OAEK» AQ qarajaty esebinen 5 energetıkalyq qazandyqty, sondaı-aq qosalqy jabdyqtardy, ǵımarattar men qurylystardy kúrdeli jáne aǵymdaǵy jóndeý júzege asyrylady.
1 shildede №7, № 9 qazandyqtaryn jóndeý aıaqtaldy. Jóndeý jumystary 18 tamyzda aıaqtalatyn №6 energetıkalyq qazandyqta jáne 5 sý jylytý qazandyǵynda jalǵasyp jatyr. № 11, 14, 15 sý jylytý qazandyqtarynda eski jabdyqtardy buzý jumystary aıaqtalyp, qurylys-montajdaý jumystary júrgizilip jatyr. Ekrandyq panelderdi, gaz qubyrlaryn, konvektıvti paketterdi jáne qubyrly aýa jylytqyshtardyń tekshelerin montajdaý jumystary júrgizilýde. Barlyq ýchaskede jóndeý jumystary bekitilgen kestege sáıkes júrip jatyr.
«Jylý berý maýsymynyń basyna deıin barlyq jumys aıaqtalýǵa tıis. Tıisti qarajat bólindi, jumystar júrgizilýde», dedi Premer-mınıstrdiń birinshi orynbasary.
Sondaı-aq Roman Sklıar 4 jylý magıstralin rekonstrýksııalaý jumystary júrgizilip jatqan ýchaskelerde boldy. Munda 5,4 km jeli tolyǵymen jańartylady.
Pavlodar oblysynyń ákimi Asaıyn Baıhanovtyń aıtýynsha, búgingi tańda atalǵan ýchaskelerde 1,9 shaqyrym jańa jeli salyndy. Jumystar belgilengen kesteden alda kele jatyr, josparlanǵan jumystardyń barlyq kólemin osy jyldyń tamyz aıynyń sońyna deıin aıaqtaý josparlanyp otyr.
Ekibastuzda áleýmettik nysandar men turǵyn úılerdi jylý berý kezeńine daıyndaý belsendi júrgizilýde. Qazirgi ýaqytta gıdravlıkalyq synaqtar barysynda anyqtalǵan barlyq 269 aqaý tolyq kólemde joıyldy. 690 kópqabatty úıdiń 568-inde syǵymdaý, júıelerdi jýý aıaqtaldy. Basqarý nysany joq 182 kópqabatty úıde daıyndyqty qala quraýshy kásiporyndar júrgizip jatyr. Shilde aıynyń sońyna deıin barlyq jumys aıaqtalady.
Sonymen qatar Premer-mınıstrdiń birinshi orynbasary Roman Sklıar Pavlodar qalasyndaǵy jylý berý maýsymyna daıyndyq jumystarynyń barysyn tekserdi. Munda negizgi jabdyqtyń 40 birligin jóndeý jáne 49,1 shaqyrym jylý jelilerin qaıta jańartý júrgizilýde. Oblys ortalyǵyndaǵy jylý jelileriniń tozýyn azaıtý maqsatynda 2023 jyly alǵash ret kvartalishilik jelilerdi rekonstrýksııalaý júrgizilip jatyr. Barlyǵy 11,7 km jańa jeliler salynady.
Birinshi vıse-premer jylý jelilerin jóndeý jumystarynyń merziminde oryndalýy jáne óńirdegi jylý berý maýsymyna daıyndyq Úkimettiń basty nazarynda ekenin jáne oblys basshylyǵynyń erekshe baqylaýynda bolýǵa tıis ekenin atap ótti. Pavlodardaǵy Ertis óńiriniń turǵyndary úshin aldaǵy jylý berý maýsymdarynyń sátti ótýi jergilikti bılik pen merdigerlik uıymdardyń úılesimdi jumysyna tikeleı baılanysty.