Prezıdent Qasym-Jomart Toqaev ótken jylǵy Almaty oblysyna jumys sapary barysynda jolaýshylar kóligimen qamtylmaǵan aýyldyq eldi mekenderge avtobýs marshrýttaryn beretin kommýnaldyq kásiporyn qurýdy tapsyrǵan. Osy tapsyrmany oryndaý maqsatynda jyl basynda oblys ákiminiń qaýlysymen «Almaty oblysynyń avtobazasy» JShS mýnısıpaldy avtobýs parki qurylǵan bolatyn. Shildeniń alǵashqy kúni kommýnaldyq parktiń alǵashqy marshrýttary jolǵa shyqty.
О́tegen batyr aýylynda ornalasqan parktiń keńse alańy 600 sh.m bolsa, jer ýchaskesiniń jalpy aýdany 1 ga tehnıkany jóndeý orny – 1000 sh.m seriktestik oblystyń 332 turǵynyn jumyspen qamtamasyz etedi. Búgingi tańda atalǵan seriktestikte 25 avtobýs bar. Onyń ishinde 17 birlik 12 metrlik, 7 birlik 9 metrlik «Lıaz» jáne syıymdylyǵy shaǵyn «Gazel» avtobýstary.
Oblystyń shalǵaıdaǵy aýyl turǵyndarynyń ótinishi boıynsha №5 «Tóle bı aýyly» (Ile aýdany) – «Sálem» avtostansasy (Almaty qalasy)» aralyǵyna jańa avtobýs baǵyty ashyldy. Bul baǵytqa 12 metrlik 6 avtobýs qyzmet kórsetedi. Syıymdylyǵy 108 adam bolatyn «Lıaz» markaly avtobýs marshrýtpen qamtylmaǵan 2 aýyldyq eldi mekendi, Tóle bı men Túımebaev aýyldaryna qatynaýdy óz mindettine alǵan. Marshrýttardyń jumys ýaqyty tańǵy 5.40-tan keshki 22.00-ge deıin júzege asady. Qoǵamdyq kólikterdiń qozǵalys aralyǵy 20 mınýtty quraıdy.
– Sondaı-aq Almaty qalasymen birlese otyryp, aglomerasııanyń 50 shaqyrymdyq aımaǵynda jańa baǵyttardy ázirleýdemiz. Aldaǵy ýaqytta Almaty oblysynyń aýmaǵynda 9 baǵytqa qyzmet kórsetýge 130 birlik jańa avtobýs satyp alý jumystary júrgizilýde, dedi oblys ákiminiń orynbasary Almas Batanov.
Bul marshrýttar 20-ǵa jýyq eldi mekendi, 1 qalany (Geıt Sıtı) jáne Ile aýdanynyń qoǵamdyq kólikpen qamtylmaǵan 2 iri shaǵyn aýdanyn qamtamasyz etetin bolady. Jaqyn arada qoǵamdyq kólikterde QR kod nemese bank kartasy arqyly tólem jasalatyn elektrondy bılet júıesi ornatylady.
Almaty oblysy