О́ner – ulttyń jany. Ony túsinýge tildiń de keregi joq. Búginde dombyraǵa qyzyǵyp, kúı tartýǵa talapty jastardyń sany artyp keledi. Solardyń biri – Qurlyq áskerleri «Astana» óńirlik qolbasshylyǵy áskerleriniń 06708 áskerı bóliminde Otan aldyndaǵy boryshyn ótep júrgen merzimdik qyzmet áskerı qyzmetshisi, qatardaǵy jaýynger Islam Musa.
Dombyranyń qulaǵynda oınaıtyn qatardaǵy jaýynger ásker qataryna bıyl kóktemde shaqyrylyp, jaqynda ǵana 06708 áskerı bóliminiń jas sarbazdarymen birge Áskerı ant qabyldady. Qarapaıym otbasynda dúnıege kelgen ol bala jasynan ónerge qushtar. 3-synypta oqyp júrgende Pavlodar qalasynyń daryndy balalarǵa arnalǵan mýzykalyq mektep-ınternatynda dáris alyp, kúı ónerine den qoıady. Búginde Otan aldyndaǵy boryshyn ótep júrgen jaýynger esimi elge tanymal kúıshilerdiń týyndylaryn sheberlikpen oryndaıdy.
Pavlodar oblysynan talaı óner maıtalmandarynyń shyqqanyn jaqsy bilemiz. Máselen, ári aqyn, ári kompozıtor Jaıaý Musa, ánshilik, ártistik, dombyra tartý ónerlerin qatar alyp júrgen Isa Baızaqov osy óńirdiń týmalary. Ánshilik ónerimen Maıra Ýálıqyzy men Merýert Túsipbaeva halyqqa tanylsa, búgingi kúnde kópshilik qaýym Pavlodar oblysynyń týmasy Imanbek Zaıkenovtiń Rosses SAINt IHN kompozısııasymen álemdik «Gremmı» (Gremmi) júldesin jeńip alǵanyn jaqsy biledi. Osy turǵyda ónerpaz sarbaz Islamnyń da armany kóp eken. Ol Otan aldyndaǵy boryshyn ótegen soń, Astana qalasyndaǵy Ulttyq óner ýnıversıtetine oqýǵa túsýdi josparlap júr. «Áskerı qyzmette de dombyrany tastamaı, ózimmen birge alyp júrmin. Bul – kıeli aspap. О́ner taýsylmas qazyna dep bilemin», deıdi qatardaǵy jaýynger.
О́nerdi ómiriniń mánine aınaldyrǵan Islam Musanyń áli talaı bıikterdi baǵyndyratyny sózsiz. О́nerpaz sarbazdyń joly árqashan ashyq bolǵaı