Jetisý oblysynyń prokýratýrasy oblystyń keıbir aýdandarynda qatty turmystyq qaldyqtar polıgondary quqyq belgileıtin qujattarsyz jumys isteıtinin anyqtady, dep habarlaıdy Egemen.kz.
Mysaly, Alakól aýdanynda 23 aýyldyq okrýgte (56 eldi meken) 33 qatty turmystyq qaldyqtar polıgony bar. Alaıda onyń ishinde tek Dostyq okrýgyndaǵy «Shyńdáli» polıgonynda quqyq belgileıtin qujat bar.
Osyǵan uqsas faktiler Sarqan (9 fakt), Kóksý (7 fakt) jáne Eskeldi (1 fakt) aýdandarynda anyqtaldy.
«Atalǵan barlyq buzýshylyq boıynsha prokýrorlyq qadaǵalaý aktileri engizildi. Qazir aktilerdi qaraý nátıjesi boıynsha úsh aýyl ákimine 300 AEK-ten astam somaǵa aıyppul taǵaıyndaldy jáne bir aýdan ákiminiń orynbasary tártiptik jaýapkershilikke tartyldy», dep habarlady Jetisý oblysynyń prokýratýrasy.