Oblys ortalyǵynda qoǵamdyq tyńdaýlar ótti dep habarlaıdy Egemen.kz.
Qoǵamdyq keńes músheleri men qala turǵyndarynyń jáne qalalyq máslıhat depýtattarynyń qatysýymen Pavlodar qalasynyń 24 kóshesin qaıta ataý boıynsha qoǵamdyq keńes ótkizilgen. Bul Pavlodar qalalyq máslıhatynyń jáne jer qatynastary men qala qurylysy máseleleri jónindegi turaqty komıssııa negizinde uıymdastyrylǵan.
Usynystar oblys pen qalanyń qoǵamdyq birlestikteri men oblystyń ǵylymı jáne shyǵarmashylyq zııalylary ókilderinen kelip túsken. Kósheler ataýyn ózgertý týraly materıaldar respýblıkalyq onomastıka komıssııasynyń qarastyrylýyna berilip, sodan keıin oblystyq máslıhattyń sessııasynda túpkilikti sheshim qabyldanbaq.
Qala kóshelerin qaıta ataý boıynsha josparǵa Ýsolka, Roza Lıýksembýrg, Molodejnaıa, 29 Noıabrıa, Naberejnaıa, Teplov, Sibir, Chapaev, Molodogvardeısev, Zaslonov, Komsomolskaıa, Ermak, Ladojskaıa, Baıkalskaıa, Orlovskaıa, Týlskaıa, Aldanskaıa, Kırpıchnaıa, Koshevaıa, Volochaevskaıa, Kamskaıa, Chelıabınskaıa, Raskova, Osıpenko kósheleri engizilip otyr.
Usynystarda kóshelerdi qazaqstandyq jazýshylar men ardagerlerdiń jáne batyrlar men qaıratkerlerdiń esimderimen ataý týraly pikirler aıtylǵan.