Esirtkige qarsy joba

Osynyń saldarynan alyp-satarlardy der kezinde quryqtaý quqyq qorǵaý organdary qyz­metkerlerine qıyn­dyq týǵyzyp jatyr. Osy rette «Jastar rýhy» jastar qanaty esirtki jarnamalaryn óshirýge jár­demdesip jatyr. Nátıjesinde, jarty jylda 4 myńnan asa esirtki-graffıtıler joıylypty.

«Amanat» partııasy janyn­da­ǵy «Jastar rýhy» Jastar qa­na­tynyń «Esirtkige jol joq» jobasy óńir­lerde turaqty ótkizi­le­di. Astana qalasynyń bel­sendileri de turǵyn úı alaptary mańyndaǵy ártúrli mekenjaı men kúdikti jazýlardy boıady. Par­tııa­lyqtar ıgi naýqandy aldymen elordanyń oń jaǵalaýynan bas­tady.

– Esirtki – qazirgi zamannyń eń qıyn da kúrdeli qaýipteriniń biri. Esirtkiniń, onyń ishinde sıntetıkalyq esirtkiniń taralýy bolashaq urpaqtyń ál-aýqatyna qaýip tóndiretini barshamyzǵa belgili. Ǵasyr dertimen kúresýde «Jastar rýhy» jastar qanatynyń tarapynan jan-jaqty jumys júrgizilip keledi. Jyl basynan beri júrgizilgen arnaıy reıdterde barlyq 20 óńirde 1 000-nan asa eriktiniń qatysýymen 4 000-nan asa graffıtı anyqtalyp, joıyldy. Dál osyndaı aksııa Astana qalasynda óz jalǵasyn tapty. Astana jastarynyń kóme­gimen tyıym salynǵan saıttar belgilengen jazýlardy boıaý ju­­mys­taryn júrgizdik, – dedi Jas­tar qanatynyń tóraǵasy Nurjan Jetpisbaev.

Jastarmen birge aksııaǵa salamatty ómir saltyn nasıhattaý­shy, Street Workout Kazakhstan negizin qalaýshylardyń biri Aıtym Jaqypov pen djıý-djıtsýdan álem chempıony Vasılıı Tahtaı qatysty.

– Bul – bizdiń rýhtastarmen birge júrgizgen kezekti reıd. Ak­sııa barysynda esirtkiler men júıkege áser etkish ónim­der taratý­men aınalysatyn saıt­tar­dyń me­­kenjaılary kór­se­tilgen jar­­­­namalardy anyqtap, ony joıý­­­damyz. Bir qýantarlyǵy, sportqa qyzyǵyp, sportpen shu­ǵyl­danatyn jastar sany artyp keledi, ıaǵnı qazirgi jastar salamatty ómir saltyn tań­daıdy, – dedi A. Jaqypov.

Elimizde nasha­qor­lyqtyń aldyn alý júıesin jetildirýge, na­shaqorlardy emdeý­ge jáne esirt­ki­ge táýeldi adamdardy ońal­­tý júıesin damytýǵa, son­daı-aq sa­la­aralyq ózara is-qı­myl­dy kú­sheı­týge nazar aýda­ry­lyp otyr. Osy is-sharalardy iske asy­rýǵa bıýd­jetten 53,1 mlrd teńge bólý kóz­delgen.