Memleket basshysy Qasym-Jomart Toqaev kınorejısser Tımýr Bekmambetovti qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda elimizdegi kınematografııa salasyn damytý perspektıvalary, kreatıvti ındýstrııa mamandaryn oqytý, otandyq kınokontenttiń kólemin ulǵaıtýǵa jaǵdaı jasaý jáne kınematografısterdi qoldaý máseleleri talqylandy.Tımýr Bekmambetov dástúrli mamandyq ıelerin (ustazdar, ártister, sýretshiler jáne taǵy basqalary) sıfrlyq kreatıvti ındýstrııaǵa qajetti mamandyqtarǵa qaıta daıarlaý jónindegi jobany ózge elderde júzege asyrý tájirıbesin bólisti.Qasym-Jomart Toqaev bul salanyń damýyna jaǵdaı jasap, sheteldik mamandardy tartýǵa múmkindik beretin «Kınematografııa týraly» zańnyń mańyzdy rólin atap ótti.Memleket basshysy álemdik tájirıbege súıene otyryp, otandyq kıno ındýstrııasyn jańǵyrtý qajet ekenine basa nazar aýdardy.