QR Premer-mınıstriniń orynbasary – Eńbek jáne halyqty áleýmettik qorǵaý mınıstri Tamara Dúısenovanyń tóraǵalyǵymen turmystyq zorlyq-zombylyq profılaktıkasy boıynsha keńes ótti. Keńeske ortalyq memlekettik organdardyń basshylarynyń orynbasarlary men Bala quqyqtary jónindegi ýákil Dınara Zákıeva qatysty, dep habarlaıdy Egemen.kz Úkimettiń baspasóz qyzmetine silteme jasap.
Keńeste turmystyq zorlyq-zombylyq profılaktıkasynyń is-sharalar josparynyń qaıta qaraý jobasy, áıelder men balalardyń quqyqtaryn qorǵaý sharalaryn zańnamalyq turǵyda kúsheıtý, sondaı-aq2023-2024 jyldarǵa arnalǵan otbasy qundylyqtaryn nasıhattaý boıynsha5 júıeli baǵyt qarastyryldy.
Olar:
1. Profılaktıkalyq sharalar (qıyn jaǵdaıǵa tap bolǵan otbasy men adamdardy anyqtaý, olardyń alǵashqy ońaltý sharalary);
2. Infraqurylymdy keńeıtý: qaıtalama, úshinshi rettik ońaltý, reıntegrasııa;
3. Mamandarmen qamtamasyz etý;
4. Zańnama;
5. Aqparattyq-túsindirý jumystary.
Jınalys qorytyndysy boıynsha Tamara Dúısenova memlekettik organdarǵa bir apta ishinde aıtylǵan eskertýler men usynystar boıynsha Is-sharalar josparyn qaıta pysyqtaýdy tapsyrdy. Osy jyldyń tamyz aıynyń sońyna deıin is-sharalar josparyn bekitý josparlanýda.