Burynǵy máslıhat depýtaty Nurlan Kópeshov «Elorda Eco System» uıymynyń basshysy bolyp taǵaıyndaldy, dep habarlaıdy Egemen.kz.
Ol 2006-2008 jyldary Qostanaı zań akademııasynda «Quqyqtaný» mamandyǵy boıynsha oqyǵan. 2010 jyly qazaq gýmanıtarlyq-zań ýnıversıtetin «Quqyqtaný» mamandyǵy boıynsha, 2013 jyly «Iskerlik ákimshilendirý magıstri» mamandyǵy boıynsha támamdady. 2019 jyly «Paıdaly qazbalar ken oryndaryn jerasty ıgerý» mamandyǵy boıynsha bilim aldy.
Eńbek jolyn 2010 jyly «Medıker» JShS-de zańger bolyp bastaǵan. «Jolaýshy-Avto» JShS atqarýshy dırektory, «Qazaq gýmanıtarlyq-zań ýnıversıteti» AQ kommersııalyq dırektory, «Aq-Bata» JShS bas dırektory, «Astanaenergoservıs» AQ basqarma tóraǵasynyń keńesshisi, «AESK» JShS dırektorynyń energııamen jabdyqtaý jónindegi orynbasary bolyp jumys istegen.
2019 jylǵy qyrkúıekten bastap 2022 jylǵy maýsymǵa deıin «Astana-Energııa» AQ basqarma tóraǵasynyń orynbasary, 2020 jylǵy qarashadan bastap Astana qalasy taekvondo qalalyq federasııasynyń (WT) prezıdenti, 2022 jylǵy 15 maýsymnan bastap «Astana-energııa» AQ basqarma tóraǵasy, AMANAT partııasynyń múshesi.
Nurlan Kópeshov 2021 jylǵy 14 qańtarda jetinshi shaqyrylymdaǵy Astana qalasy máslıhatynyń depýtaty boldy. Astana qalasy máslıhatynyń zańdylyq, quqyqtyq tártip jáne jurtshylyqpen jumys máseleleri jónindegi turaqty komıssııasynyń tóraǵasy.
Eske salaıyq, tamyz aıynyń basynda Elordany sý basty. Qala ákimdigi habarlaǵandaı, káriz júıesiniń durys jumys istemeýi saldarynan keıbir ýchaskelerdi sý basýǵa jol berilgeni úshin «Elorda eco system» dırektory Tımýr Shodanov qyzmetinen bosatylǵan bolatyn.