Polshada ótken oqýshylar arasyndaǵy 16-halyqaralyq olımpıadadan almatylyq órender júldemen oraldy.
Álemniń 50 elinen 200-den asa oqýshy qatysqan dodada joǵary synyp oqýshylary teorııalyq jáne derekterdi óńdeýge qatysty tapsyrmalardy oryndady.
Astronomııa jáne astrofızıkany nasıhattaýdy maqsat etken olımpıadaǵa qazaqstandyq oqýshylar sońǵy on jyl kóleminde qatysyp keledi.
«Bóbek» observatorııasy bazasynda daıyndyqtan ótken qazaqstandyq komandanyń enshisine bul joly eki medal tıdi. Almatydaǵy NZM oqýshylary Ahmadjon Tabarov – kúmis, al Elýbaı Bekasyl qola medalǵa ıe boldy.