QR Premer-mınıstriniń orynbasary – Eńbek jáne halyqty áleýmettik qorǵaý mınıstri Tamara Dúısenovanyń tóraǵalyǵymen Áleýmettik áriptestik, áleýmettik jáne eńbek qatynastaryn retteý jónindegi respýblıkalyq úshjaqty komıssııanyń otyrysy ótti, dep habarlaıdy Egemen.kz Úkimettiń baspasóz qyzmetine silteme jasap.
Oǵan ortalyq memlekettik jáne jergilikti atqarýshy organdar basshylarynyń orynbasarlary, respýblıkalyq kásipodaqtar birlestikteri men jumys berýshilerdiń ókilderi qatysty.
Otyrysta eńbek qatynastaryn retteý boıynsha jumys barysy, onyń ishinde jalaqy bereshegi, eńbek janjaldary jáne taǵy basqa da máselelerdi sheshý boıynsha júrgizilip jatqan is-sharalar qaraldy.
Sonymen qatar kún tártibinde áleýmettik áriptestik, áleýmettik jáne eńbek qatynastaryn retteý jónindegi salalyq komıssııalardyń jumysy, eń tómengi jalaqy mólsherin aıqyndaý ádistemesin zańnamalyq bekitý boıynsha júrgiziletin jumys, sondaı-aq Halyqaralyq eńbek uıymymen yntymaqtastyqtyń keıbir máseleleri, onyń ishinde «Laıyqty eńbek» baǵdarlamasyn qaıta bastaý isi qaraldy.
Qorytyndylaı kele, bıznestiń áleýmettik jaýapkershiligi jónindegi «Paryz» konkýrsyn ótkizýdi uıymdastyrý boıynsha qabyldanyp jatqan sharalar jáne jyl saıynǵy «Eńbek joly» respýblıkalyq konkýrsynyń óńirlik kezeńin ótkizý qorytyndylary talqylandy.
Keńes qorytyndysy boıynsha QR Premer-mınıstriniń orynbasary Tamara Dúısenova memlekettik organdar men ákimdikterge eńbek aldyn alý jáne sheshý, áleýmettik áriptestik sheńberindegi ózara is-qımylǵa, halyqaralyq standarttarǵa sáıkes ulttyq zańnamany pysyqtaýǵa qatysty júrgizilip jatqan jumysty kúsheıtý jáne tıisinshe oryndaý, eń tómengi jalaqyny aıqyndaý ádistemesin zańnamalyq turǵydan bekitý sharalaryn qabyldaý jáne «Eńbek kúnin» merekeleýge arnalǵan is-sharalar josparyn oryndaý jóninde birqatar tapsyrma berdi.