«Qazgıdromet» aldaǵy úsh kúnge arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń aıtýynsha, elimizdiń basym bóliginde jańbyr áli de saqtalady. Aldaǵy úsh kúnde óńirlerde naızaǵaı oınap, qatty jel turady, jańbyr jaýady. Sondaı-aq burshaq jaýýy da múmkin.
Eldiń soltústik-batysynda, soltústiginde, ońtústiginde jáne ońtústik-shyǵysynda qatty jańbyr jaýyp, aýa temperatýrasy tómendeıdi. Ásirese soltústik óńirlerde kún sýytady. Túngi ýaqytta aýa temperatýrasy 5-10 gradýs bolsa, kúndiz 10-18 gradýs bolady dep kútiledi.
Tek Qazaqstannyń batysynda, joǵary atmosferalyq qysym órisiniń áserinen aýa raıy jaýyn-shashynsyz bolady. Kúndiz aýa temperatýrasy 25-30 gradýsqa deıin joǵarylaıdy.