Elordadaǵy Botanıkalyq baqta parasportshylardyń qatysýymen ınklıýzıvti festıval aıaqtaldy. Is-shara Konstıtýsııa kúnine oraı uıymdastyryldy, dep habarlaıdy Egemen.kz Elorda.info basylymyna silteme jasap.
Is-sharany «Qazaqstan halqyna» qory, Ulttyq Paralımpıadalyq komıtet jáne Astana ákimdiginiń qoldaýymen «Kaspıı» sportty qoldaý qory uıymdastyrdy.
Jarysqa paraatletter men parahokkeıshiler, beıimdelgish sportpen shuǵyldanatyn balalar, sondaı-aq ınnovasııalyq protezder men ekzoskeletter alǵan qazaqstandyqtar qatysty.
«Osy is-shara arqyly biz salaýatty ómir saltyn, ınklıýzııa qaǵıdattaryn nasıhattaǵymyz keledi, qoǵamda deni saý adamdar da, múgedekter de sportqa birdeı qol jetkize alatynyn, ózin tanyta alatynyn kórsetkimiz keledi. Sondaı-aq biz «Qazaqstan halqyna» Qory júzege asyratyn sport salasyndaǵy baǵdarlamalar men jobalardy tanytqymyz keledi. Jarysqa 200-ge jýyq adam qatysty, olardyń arasynda kásibı parasportshylar men jańadan bastaǵandar, sondaı-aq bizden ınnovasııalyq sporttyq protezder men ekzoskeletter alǵandar bar. Olardyń barlyǵy sheberlik sabaǵyn kórsetti. Biz sarapshylar men medısına mamandaryn shaqyrdyq. Sondaı-aq is-sharaǵa bizdiń kishkentaı batyrlarymyz ben olardyń ata-analary qatysty», dedi «Qazaqstan halqyna» qorynyń resmı ókili Dıas Beısembek.
Alańda protezdermen júgirý, bochche, prosessor fýtboly (otyryqshy), otyrý voleıboly, beıimdelgish sport boıynsha ashyq sheberlik synyptary uıymdastyryldy, sondaı-aq festıval qatysýshylary arasynda arnaıy jarys ótti.
Festıvalge qatysqan parahokkeıshi Qorǵan Qanqulov bul sport túrimen eki jyldan astam ýaqyt aınalysqanyn aıtty.
«Sporttyń orny zor. О́tken jyly bizdiń qurama Taılandtaǵy B-pýlǵa shyqty. Bıyl qazan aıynda Astanada A-pýlǵa irikteý týry ótedi, onda bizdiń komanda qatysady. Jarysqa alty eldiń sportshylary qatysady», dedi parasportshy.
Sońynda festıvaldiń barlyq qatysýshylaryna estelik syılyqtar tabystaldy.