Búgin Qazaqstan Prezıdenti Qasym-Jomart Toqaev «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyn jarııalap jatyr, dep habarlaıdy Egemen.kz.
Memleket basshysynyń aıtýynsha, ótken jyldan beri Qazaqstanda aýqymdy saıası jańǵyrý jumystary júrgizilip keledi. Qolǵa alǵan sharalar nátıjesinde bılik tarmaqtary arasynda tıimdi tepe-teńdik ornady.
«О́zderińizge málim, byltyrdan beri elimizde aýqymdy saıası jańǵyrý jumystary júrgizildi. Nebári bir jarym jyldyń ishinde kóptegen ózgeris jasaldy. Oǵan barshańyz kýá boldyńyzdar, reformany júzege asyrý úshin belsendi túrde jumys istedińizder. Qolǵa alǵan sharalar nátıjesinde bılik tarmaqtary arasynda tıimdi tepe-teńdik ornady. Basqarý júıesi yqpaldy Parlamenti bar Prezıdenttik respýblıka úlgisine kóshti. Elimizde «kúshti Prezıdent – yqpaldy Parlament – esep beretin Úkimet» tujyrymdamasy barynsha ornyqty», dedi Qasym-Jomart Kemeluly.
Prezıdenttiń aıtýynsha, Qazaqstannyń saıası júıesinde «Halyq únine qulaq asatyn memleket» qaǵıdaty naqty iske asyrylýy qajet.
«Bul jerde Parlamenttiń róli erekshe. Adam quqyǵyn qorǵaý salasynda mańyzdy qadamdar jasaldy. Ádildikti jáne zań ústemdigin ornatý úshin aýqymdy jumys júrgizilip jatyr. Sheshim qabyldaý úderisine azamattardyń qatysý múmkindigi artty. Qoǵamnyń saıası mádenıeti múlde jańa sıpatqa ıe boldy», dep atap ótti Memleket basshysy.