Prezıdent Qasym-Jomart Toqaev ótken jyly elimizdiń jylý elektr stansııalarynda bolǵan apattardy nazarǵa alyp, Úkimetke arnaıy tapsyrma júktedi, dep habarlaıdy Egemen.kz.
«О́tken qysta elimizdiń jylý elektr stansııalarynda qaıta-qaıta apat boldy. Bul jaǵdaı jyldar boıy sheshilmegen máseleniń betin ashyp berdi. Infraqurylymnyń ábden tozýy halyqtyń turmys sapasyna tikeleı áser etedi. Indýstrııalandyrý qarqynyn da tejeıdi. Iаǵnı, ınfraqurylymdy jańǵyrtpasaq, jańa ekonomıkalyq úlgige kóshý múmkin emes», dedi Prezıdent.
Bul rette Memleket basshysy el Úkimeti jańa ınfraqurylymdyq josparda osy saladaǵy barlyq túıtkildi ashyq kórsetip, ony sheshý joldaryn anyqtaýǵa tıis ekenin ashyq aıtty.
«Energetıkalyq qaýipsizdik máselesin de sheshý qajet. Bul salada qoldan kelgenshe óz resýrstarymyzǵa arqa súıegen abzal. Basty mindet elektr energetıkasy salasyna júkteledi. Aldaǵy 5 jylda keminde 14 gıgavattyq jańa elektr qýaty iske qosylady. Bıyl Ekibastuzdaǵy birinshi GRES-tiń birinshi blogyn qaıta qurý jumystary aıaqtalady. Buryn eshqashan tolyq qýatyn paıdalanyp kórmegen stansııanyń 8 blogy túgel jumys isteıtin bolady. Qazir ekinshi GRES-ti keńeıtý jobasy júzege asyrylyp jatyr, úshinshi GRES-tiń qurylysy bastalady», dedi Memleket basshysy Joldaý barysynda.