2023-2024 jańa oqý jylynda QR Prezıdentiniń janyndaǵy Memlekettik basqarý akademııasyna oqýǵa 158 adam qabyldandy. Olardyń basym bóligi – elimizdiń túkpir-túkpirinen jınalǵan memlekettik qyzmetshiler, dep jazady Egemen.kz Akademııanyń baspasóz qyzmetine silteme jasap.
Búgin Akademııada Bilim kúnine oraı saltanatty is-shara ótti. Rektor Erlan Ábil professorlyq-oqytýshylyq quramdy, oqýǵa kelgen magıstranttar men doktoranttardy merekemen quttyqtady. Sondaı-aq «О́ńirlik damý» jáne «Memlekettik basqarý» baǵdarlamasynyń modýldik baǵyty boıynsha bilim alǵan 24 túlegine dıplom tabystap, qyzmetterine sáttilik tiledi.
«Jańa 2023-2024 oqý jylynda Akademııanyń alǵa qoıǵan úlken talaptary men mindetteri bar. Eń aldymen, professorlyq-oqytýshylyq quramnyń sapasy mańyzdy. Akademııa ujymy básekege qabiletti, kásibı mamandarmen tolyqtyryldy. Jalpy, jańa oqý jylynda bilim alýǵa 158 úmitker qabyldandy. Olardyń 2/3 bóligi óńirlerden bilimi men quziretterin shyńdaýǵa keldi. Oqýǵa túsken azamattardyń qatarynda úsh Prezıdenttik jastar kadr rezerviniń múshesi bar. Bul – Akademııaǵa degen úlken senimniń kórsetkishi», dedi rektor.
Oqýǵa túskenderdiń ishinde 132 adam memlekettik bilim berý tapsyrysy negizinde, 26 adam aqyly negizde bilim alady. Oqýǵa qabyldanǵandardyń ishinde 81 adam (61,0%) basshylyq qyzmette, 51 adam (39,0%) oryndaýshy maman bolyp jumys isteıdi. Magıstranttardyń ortasha jasy – 35,5, doktoranttar – 40 jas.
Akademııa rektory Erlan Ábil oqýǵa kelgen magıstranttar men doktoranttarǵa zor úmit artatynyn atap ótti.
«Aldaǵy oqý jylynda sizderden kútetinimiz – memlekettik qyzmettegi mańyzdy salalar boıynsha zertteý júrgizip, jergilikti jáne memlekettik organdarda, pikirtalas alańdarynda eksperttik saraptama júrgizý qabiletin arttyrý, memlekettik basqarýdaǵy ózekti máselelerge synı-taldaý jasaý, sapaly analıtıkalyq jazbalarmen qamtamasyz etý. Akademııaǵa oqýǵa, úırenýge degen ynta-jigermen, jańashyl kózqaraspen keldińizder degen senimdemin. Akademııa óz kezeginde sizderge tıimdi sharttaryn usynýǵa daıyn. Jańa oqý jyly barlyǵymyz úshin tabysty, jetistikke toly jyl bolsyn», dedi ol.
2023-2024 oqý jylynyń resmı ashylý saltanaty Memleket basshysy Qasym-Jomart Toqaevtyń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyn tyńdaýmen jalǵasyn tapty.