Almaty qalasyndaǵy hımııa-bıologııa baǵytyndaǵy Zııatkerlik mektebinde ótken «World Robot Olimpiad-2023» álem chempıonatynda jas ınjenerler teńizde jáne qurlyqta qaýipsizdik pen tıimdi logıstıkany qamtamasyz etýge baǵyttalǵan ınnovasııalyq jobalardy usyndy. Startap avtorlary sıfrlyq tehnologııalar arqyly álemdi jaqsartýda zamanaýı múmkindikterdiń kóp ekenin dáleldedi.
– О́tken jyly álem muhıttarynda 10 myńnan astam konteıner sý astynda qaldy. Olardyń 1 500-niń bortynda ýly zattar bolǵandyqtan, bul jaǵdaı ekologııaǵa úlken qater týǵyzdy. Biz osy baǵytta kemelerdi qutqarý júıesin jasadyq. Ol kemelerdi jınap, Qazaqstannyń eń úzdik neırondyq jelilerin paıdalana otyryp taratady. Jobanyń maqsaty – jasandy ıntellektti paıdalaný arqyly teńizdegi logıstıkalyq kompanııalardyń tıimdiligi men ónimdiligin arttyrý, – deıdi saıystyń «Future Innovators» sanatynda ekinshi oryndy ıelengen Astana qalasyndaǵy NIS IB shákirtteri, ACRS aqyldy júıesiniń avtorlary Ádilet Aýsarbekov pen Álıámir Qurmanǵazy.
Sonymen qatar balalar muhıttaǵy qoqystardy baqylaýǵa kómektesetin sıfrlyq kartany tanystyrdy.
Taraz qalasyndaǵy NIS-tiń jas konstrýktorlary da elimiz ben álemdegi ekologııalyq ahýaldyń jaqsarýyna óz úlesterin qosýǵa nıetti. Ushqyshsyz júzý apparattary nyń júıesin 10-synyp oqýshylary, chempıonattyń «Future Innovators» sanatynyń úzdikter reıtıngin bastap turǵan Aımer Koshmametov pen Alııar Saǵyndyqov usyndy.
– Biz munaıdyń teńizge taralý jaǵdaıyn jıi estımiz. Alaıda búginde teńizdi tazartýdyń dástúrli ádisteriniń tıimdiligi az. Kaspıı teńiziniń 5 paıyzynan astamynda munaı daqtaryn kórýge bolady. Munyń basty sebebi – munaı kóligindegi apattar. Osyndaı qaterli jaǵdaılar týyndaǵanda munaıdyń teńizge taralyp ketýin boldyrmaý úshin teńiz kólikterin robottarmen jabdyqtaýdy usynyp otyrmyz. Tótenshe jaǵdaı kezinde bul drondar fondyq tosqaýyl jasap, kemeni qorshaıdy jáne arnaıy tehnıka kelgenge deıin munaıdyń sýǵa taralyp ketýine jol bermeıdi, – deıdi joba avtorlary.
Almaty qalasyndaǵy hımııa-bıologııalyq baǵytyndaǵy Zııatkerlik mekteptiń 9-synyp oqýshylary, «Future Innovators» sanatynyń úzdikter reıtıngine engen Darhan Qaraqulov pen Dinmuhamed Kósherbaev teńiz logıstıkasyn ekonomıkalyq turǵydan jaqsartý ıdeıasyn qarastyryp, robottehnıka men baǵdarlamalaýdy túıistirgen «Avtomattandyrylǵan port krany» jobasyn ázirledi. Bolashaq ǵalymdardyń aıtýynsha, joba porttar men teńiz logıstıkasyndaǵy operasııalardyń qaýipsizdigin jaqsartýǵa jáne qamtamasyz etýge baǵyttalǵan. Ol konteınerlerdi tıimdi jáne tez jyljytýǵa baǵyttalǵan avtomattandyrylǵan kran úlgisin usynady. Bul jumys ýaqytyn qysqartýmen qatar eńbek shyǵyndaryn azaıtyp, port qyzmetiniń jalpy ónimdiligin arttyrady.
«World Robot Olimpiad-2023» ulttyq chempıonaty qorytyndysyna sáıkes, respýblıkamyzdyń barlyq óńirinen kelgen qatysýshylardyń ishinen top jaryp 24 komanda jeńimpazdar men júldegerler qatarynan tabylsa, 32 top úzdikter reıtıngine kirdi. 1-orynǵa ıe bolǵan komandalar bıyl qarasha aıynda «World Robot Olimpiad-2023» álemdik olımpıadasyna qatysý úshin Panama eline attanady.
ALMATY