Astana qalasy ákiminiń orynbasary Nurlan Soltambekovtiń basqa jumysqa aýysýyna baılanysty jańa orynbasar taǵaıyndaldy. Prezıdent Ákimshiliginiń kelisimi boıynsha merıtokratııa qaǵıdatyna sáıkes ákimniń orynbasary bolyp 45 jastaǵy Ersin О́tebaev taǵaıyndaldy, dep jazady Egemen.kz elorda ákimdiginiń baspasóz qyzmetine silteme jasap.
Ersin О́tebaevtyń memlekettik qyzmettegi ótili 11 jyldan asady. Mamandyǵy – ınjener-qurylysshy, quqyqtaný. 2012 jyldan bastap «Almaty oblysynyń energetıka jáne turǵyn úı-kommýnaldyq sharýashylyq basqarmasy» MM (Taldyqorǵan qalasy) mamany, 2012 jylǵy jeltoqsannan 2015 jylǵy 15 aqpanǵa deıin – oblys ákiminiń uıymdastyrý-ınspektorlyq jumys bóliminiń bas ınspektory, «Almaty oblysy ákiminiń apparaty» MM (Taldyqorǵan qalasy) mamany bolyp jumys istedi.
Sońǵy 8 jyl ishinde «Astana qalasynyń kommýnaldyq múlik jáne memlekettik satyp alý basqarmasy» MM, «Astana qalasynyń aktıvter jáne memlekettik satyp alý basqarmasy» MM basshysynyń orynbasary, basshysy laýazymdaryn atqardy.
Elorda ákimi Jeńis Qasymbek Ersin О́tebaevtyń aldyna qalany damytý jóninde birqatar mindet qoıdy.