Pavlodar qalasynyń ákimi bolyp Hasar Habylbekov taǵaıyndaldy. Onyń kandıdatýrasy Prezıdent Ákimshiligimen kelisilip, qalalyq máslıhat depýtattarymen maquldandy, dep habarlaıdy Egemen.kz.
О́ńir basshysy Asaıyn Baıhanov oblys ortalyǵy ákimi jumysynyń basym baǵyttaryn aıqyndap, qyzmetine tabys tiledi.
«Pavlodardy odan ári damytý, abattandyrý, qala turǵyndarynyń ómirin jaqsartý - jumystardyń basym baǵyttary bolýy tıis. Eń aldymen, jylý berý maýsymynyń bastalýyn jáne onyń shtattyq rejımde ótýin qamtamasyz etý qajet. Sondaı-aq qala ákimdiginiń jumysynda halyqtyń ótinishterine belsendi jáne ýaqtyly jaýap berý, memlekettik satyp alýdy tıimdi josparlaý jáne merdigerlerdiń jumysyn qatań baqylaý qajet», dep atap ótti Asaıyn Baıhanov.Hasar Aıtpekuly 1986 jyly týǵan, eki joǵary bilimi bar.
2006 jyly Qazaq quqyqtaný jáne halyqaralyq qatynastar ınstıtýtyn «Quqyqtaný bakalavry» mamandyǵy boıynsha, 2014 jyly S.Toraıǵyrov atyndaǵy Pavlodar memlekettik ýnıversıtetin «Kólik qurylysy» mamandyǵy boıynsha aıaqtaǵan. Tehnıka jáne tehnologııa magıstri.
Eńbek jolyn 2008 jyly memlekettik emes qurylymdarda bastady.
2017 jyldan 2021 jylǵa deıin oblys ákimi apparatynyń bas ınspektory, Tereńkól jáne Sharbaqty aýdandary ákimderiniń orynbasary, Ekibastuz qalasy ákiminiń orynbasary, Aqsý qalasy ákimi apparatynyń basshysy, «Pavlodar oblysynyń qurylys basqarmasy» MM basshysy qyzmetterin atqardy.
2021 jylǵy tamyzdan 2022 jylǵy jeltoqsanǵa deıin - Pavlodar qalasy ákiminiń orynbasary.
2022 jyldyń jeltoqsan aıynan bastap Pavlodar oblysy ákiminiń birinshi orynbasary qyzmetin atqardy.