Astana turǵyny 19 mln teńge kóleminde alıment tólemegeni úshin qamaýǵa alyndy, dep habarlaıdy Egemen.kz elorda prokýratýrasynyń baspasóz qyzmetine silteme jasap.
Nura aýdandyq prokýratýrasy 2015 jyldan beri alıment tóleýden jaltaryp júrgen elorda turǵynyn anyqtady. Qaryz somasy 19 mln teńgeni qurady.
«Aýdan prokýratýrasy «Ákimshilik quqyq buzýshylyq týraly» Qazaqstan Respýblıkasy Kodeksiniń 669-babynyń 1-bóligi boıynsha ákimshilik is qozǵady. Astana qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotynyń qaýlysymen boryshker sotqa tartylyp, 5 táýlikke qamaýǵa alyndy», dep jazylǵan elordalyq prokýratýranyń habarlamasynda.
Aıta keteıik, Qazaqstanda alıment tóleýden jaltarǵan azamattar 5 AEK (17 250 teńge) kóleminde aıyppul tóleıdi nemese 5 táýlikke deıin ákimshilik qamaýǵa alynady, sondaı-aq eki jylǵa deıin bas bostandyǵynan aıyrylady.