Jańa qaýlyǵa sáıkes, Qazaqstanda Memlekettik týdy qoldaný aıasy keńeıedi.
Memlekettik týdy memlekettik zańdy tulǵalardyń, ulttyq basqarýshy holdıngterdiń, ulttyq holdıngterdiń, ulttyq kompanııalardyń, sondaı-aq Qazaqstan Respýblıkasy olarǵa qatysty jalǵyz aksıoner (qatysýshy) sanalatyn ózge de aksıonerlik qoǵamdardyń jáne jaýapkershiligi shekteýli seriktestikterdiń, uıymdardyń ǵımarattarynda jáne mekeme basshylarynyń kabınetterinde udaıy, mektepke deıingi, jalpy orta, kásiptik bastaýysh, kásiptik orta, kásiptik joǵary jáne joǵary oqý ornynan keıingi kásiptik bilim berý baǵdarlamalaryn iske asyratyn bilim berý uıymdarynyń ǵımarattarynda udaıy jáne jańa oqý jylynyń ashylý jáne oqý jylynyń aıaqtalý rásimderi kezinde ilýge ruqsat etildi.
Jeke tulǵalarǵa tıesili ǵımarattarda, úı-jaılarda (úı-jaılardyń bóliginde, balkondarda) Memlekettik tý kólbeý túrde (45 gradýstan kóp bolmaýǵa tıis) ornalastyrýǵa ruqsat etiledi.
Osy tusta Memlekettik týdy qorlaý faktilerine jatatyn teris áreketter týraly eske sala ketsek:
fızıkalyq túrde zalal keltirý (jyrtý, jaǵý, órteý, qasaqana jerge tastaý, taptaý, qoqysqa laqtyrý); kollajdar jasaý arqyly memlekettik týdy qorlaý, tyıym salynǵan jáne maqsatqa saı emes jerlerde paıdalaný, áleýmettik jelilerdi qosa alǵanda Memlekettik týdy kópshilik aldynda mazaq etý, balaǵattaý.Qujat 27 qyrkúıekke deıin ashyq talqylaýda bolady.