Prezıdent Araldy qutqarý qorynyń quryltaıshy memleketteri basshylary keńesi otyrysynda sýdy barynsha únemdeý úshin sıfrlyq tehnologııalardy engizýdi usyndy, dep habarlaıdy Egemen.kz.
«Sıfrlyq tehnologııalardy engizý arqyly sýdy barynsha únemdeý máselesi óte ózekti. Bul bizdiń sý resýrstary jónindegi yntymaqtastyǵymyzdyń negizgi baǵyty bola alady. Jýyrdaǵy Joldaýymda men sý máselesine erekshe nazar aýdardym. Meniń tapsyrmam boıynsha Qazaqstanda osy salanyń ózekti máselelerimen tikeleı aınalysatyn jeke vedomstvo – Sý resýrstary jáne ırrıgasııa mınıstrligi quryldy. Barlyq kórshiles memlekettermen konstrýktıvti qarym-qatynas jasaımyz dep senemin», dedi Memleket basshysy.