Bıylǵy jazda da orman órti jıiledi. Qaraǵandy oblysynda orman 17 ret otqa oranypty. Jalyn sharpyǵan jasyl jelektiń jalpy aýmaǵy – 55,71 gektar. Jergilikti mamandar jantalasyp jatyr: órtten sabaq aldy, keleside tilsiz jaýǵa jol bermeýdiń meılinshe amalyn qarastyrady.
Qaraǵandy oblysynyń tabıǵı resýrstar jáne tabıǵı paıdalanýdy retteý basqarmasynyń qaramaǵyndaǵy jerdiń jalpy aýdany – 127 039 gektar. Onyń 68 962 gektary – orman. Bıyl dala men ormandy qosqanda 192,62 gektar otqa oranǵan. Onyń 55,71 gektary – orman.
О́rt qaýpi kúsheıgenge deıin basqarmaǵa qarasty ormannyń aınalasy qotarylǵan. Qotarylǵan jerdiń uzyndyǵy – 4293,2 shaqyrym. Basqarma basshysynyń sózinshe, qajetti jumys kúshi der kezinde jumyldyrylypty.
Orman qoryn tilsiz jaýdan qorǵaýǵa arnalǵan sharalardyń jospary oblys ákimimen osy jyldyń naýryzynda bekitilgen.
– Qaraǵandy oblysynyń aýmaǵynda orman órtiniń aldyn alý jáne olardy joıý jónindegi is-qımyl jospary bar. 2023 jylǵa arnalǵan tabıǵı órtterdi joıý kezinde tabıǵı resýrstar jáne tabıǵat paıdalanýdy retteý basqarmasy jáne Tótenshe jaǵdaılar mınıstrligi Qaraǵandy oblysy TJD О́rt sóndirý jáne avarııalyq-qutqarý jumystary qyzmeti bólimsheleriniń ózara is-qımyl tártibi týraly algorıtm ázirlendi. Bıyl orman sharýashylyqtaryn jaraqtandyrýǵa 1,1 mlrd teńge bólindi jáne 349 zamanaýı jabdyqtar men múlik satyp alyndy, – deıdi basqarma basshysy Bahtııar Sanbaev.
Basqarma parki órt sóndirý kólikteri, motosıklder, kvadrosıklder, traktorlarmen tolyqqan. Taǵy da basqa tótenshe jaǵdaı kezinde qoldanylatyn qurylǵylar jetkizilgen. Sonymen qatar ormandardyń mańynda 5 órt sóndirý stansasy boı kótermek. Stansalar Qaraǵandy qalasynyń, Aqtoǵaı aýdanynyń, Buqar jyraý aýdanyndaǵy Belaǵash aýylynyń, Shet aýdanyndaǵy Aqsý-Aıýly aýylynyń, Qarqaraly aýdanyndaǵy Egindibulaq aýylynyń irgesinde ornalasady.
Basqarma basshysy: «jasyl jelekke bizdiń ǵana emes, halyqtyń da jany ashýy kerek», deıdi. О́ıtkeni tilsiz jaý keıde demalýshylardyń salǵyrttyǵynan da tutanady. Kóbine qaýipsizdik erejeleri eskerýsiz qalady eken.
Orman órtimen qosa, basqarma zańsyz aǵash kesýshilermen de kúres júrgizip jatyr. Zań buzýshylardy anyqtaý maqsatynda 101 reıd uıymdastyrylǵan. Nátıjesinde, 2 zań buzý deregi anyqtaldy. Al osyndaıda paıda tabýdy ǵana oılaıtyn pysyqaılar 3,8 tekshe aǵash kesip úlgeripti.
Qaraǵandy oblysy