Jasyn ǵumyr jarqyly

Kúni keshe ǵana mereıtoı aıasynda Mádenıet jáne aqparat mınıstrliginiń qoldaýymen Ulttyq mýzeıde «Jasyn ǵumyr jazýshy» atty ádebı kesh ótti.

Alqaly jıynǵa jazýshynyń qaryndasy Ǵalııa Bókeıqyzy, Astana qalasy ákimdigi Ádis­­temelik ortalyǵynyń qyz­met­kerleri, № 55, 69, 72, 73 mek­­­tepterdiń oqýshylary men ustaz­dary qatysty.

Ádebı kesh jazýshynyń ómiri men shyǵarmashylyǵyna ar­nalǵan derekti fılmnen úzindi kórsetýden bastaldy. Úzindide Júrsin Erman, Ábish Kekil­baev, Dýlat Isabekov, Ká­dirbek Segizbaev, Áshirbek Sy­ǵaı syndy aqyn-jazýshylar, qoǵam jáne óner qaıratkerleri Oralhan Bókeı týraly oı-pikir­lerimen bólisedi.

Ádebı keshke arnaıy sha­qyrylǵan qonaq, jazý­shy­nyń qaryndasy Ǵalııa Bó­keı­qyzy: «Úlken tulǵalar qaı­dan shyǵady? Bala kezinen qa­­lyptasady. Al balany tár­­bıeleıtin kim? Birinshi – ata-ana, ekinshi – ustaz. Sol se­bepti jınalyp otyrǵan us­taz­dar­ǵa, osyndaı is-shara uı­­ym­­­das­tyryp otyrǵan Ult­­tyq mýzeı ujy­myna al­ǵys bildiremin», dedi. Ǵa­lııa Bó­keıqyzy qa­lamger baýy­ry­nyń óziniń tý­ǵan je­rine degen mahabbaty, sabaq ýaq­y­­tyn­da ádebı ki­taptardy oqyp otyratyn ádeti, onyń súıikti av­tor­lary, kish­kentaı kezindegi ja­zýshy bolamyn degen armany, erekshe este saqtaý qabileti men aǵasy ekeýiniń arasyndaǵy qarym-qatynasy týraly aıtyp berdi.

Kelesi kezekte L.N.Gýmılev atyndaǵy Eýrazııa ulttyq ýnı­ver­sıtetiniń «Topjarǵan» klý­­by­nyń músheleri ózderi jaz­ǵan óleń, ter­me, monologterin oqyp, ort­aǵa ónerlerin saldy.

Astana qalasy №72 jáne №73 mektep-lıseıleri qazaq tili men ádebıeti pániniń muǵa­lim­deri jazýshynyń shyǵar­malary týraly oılarymen bó­lisip, óskeleń urpaqty ádebı shy­ǵarmalardy jıi oqýǵa sha­qyrdy.

Is-shara barysynda mýzeı­degi «Keskindeme jáne grafıka» úıirme sabaǵyna qaty­sý­shy oqýshylar Oralhan Bó­keı eńbekteriniń sıýjetine negiz- d­elgen sýretter saldy.

Kelgen qonaqtarǵa alǵys- hat­tar tabystaldy.