Taraptar Germanııa Prezıdentiniń taıaýda Qazaqstanǵa jasaǵan sapary aıasynda qol jetkizilgen ýaǵdalastyqtardyń júzege asyrylý barysyn qarastyrdy, dep habarlaıdy Egemen.kz Aqordanyń baspasóz qyzmetine silteme jasap.
Atap aıtqanda, energetıka, tranzıt, logıstıka, paıdaly qazbalardy ıgerý, jańartylatyn energııa kózderi, aýyl sharýashylyǵy jáne sıfrlandyrý sekildi yntymaqtastyqtyń basym baǵyttaryna qatysty birlesken jumystardy talqylady.
Kelissóz barysynda mádenı-gýmanıtarlyq baılanystardy, sondaı-aq eki eldiń ǵylymı jáne bilim berý uıymdary arasyndaǵy qatynastardy nyǵaıtý máselesine basa mán berildi.
Qasym-Jomart Toqaev pen Frank-Valter Shtaınmaıer Qazaqstan men Germanııanyń kópjaqty yntymaqtastyǵyn odan ári nyǵaıtý úshin birlesken is-qımyldardy arttyra túsýge ýaǵdalasty.