Qazaqstannyń birinshi, álemniń 5-raketkasy Elena Rybakına Beıjińde ótip jatqan tennısten áıelder arasyndaǵy WTA 1000 týrnıriniń ekinshi aınalymyna joldama aldy.
Jerlesimiz atalǵan básekeniń alǵashqy kezeńinde bıylǵy Azııa oıyndarynyń jeńimpazy, álemdik reıtıngte 23-orynda turǵan qytaılyq Sınven Jenmen sheberlik baıqasyp, qarsylasyn eki sette esh qıyndyqsyz qapy qaldyrdy. Birinshi partııada Rybakına eki breık jasap, 6:1 esebimen jeńiske jetse, ekinshi sette de sol qarqynyn báseńdetken joq – 6:2.
О́kinishke qaraı, Iýlııa Pýtınseva ekinshi kezeńde álemniń 10-raketkasy fransııalyq Karolın Garsııadan jeńilip, jarysty erte aıaqtady. Alǵashqy sette Karolın myqtylyq tanytqanymen (6:3), ekinshi partııada Iýlııa dál sondaı eseppen qarymta qaıtarǵan-dy – 6:3. Degenmen sheshýshi sette fransııalyq tennısshi bir breık jasap, báseke taǵdyryn óz paıdasyna sheshti – 6:3.