Avtobýs parki jańaryp jatyr

Jaqynda taǵy da jańa avtobýstar jolǵa shyqty. Jelige №3 avtoparktiń 34 jańa avtobýsy shyqty. Olar №40, 43, 53 jáne 118 mar­shrýttaryna qyzmet kórsetedi.

– 34 jańa avtobýs satyp al­dyq. Bular klımatty baqylaý, beıne­ba­qy­laý júıelerimen jáne aqyldy kamera­larmen jabdyqtalǵan. Mysa­ly,­ eger júrgizýshi sharshasa, qalǵyp ket­se, temeki shekse nemese telefonmen sóılesse, bul kameralar bárin túsi­rip, ereje talaby buzylǵany týra­ly belgi beredi. Osylaısha, naq­ty ýaqyt rejiminde barlyǵyn qada­ǵalap otyrýǵa tehnıkalyq múm­kindigimiz bar, – deıdi №3 avtobýs parkiniń bas dırektory Artýr Mıhaı­lovıch.

Avtoparkte alty jyl boıy eń­bek­ etip júrgen Eldos Ertaı – jańa avtobýs taqymdaǵandardyń biri.

– Burynǵy avtobýsym asa eski emes edi. 2019 jylǵy. Degen­men jańa avtobýs jaıly. Kame­ra­men túgel jabdyqtalǵan. Avtoparkimiz jańaryp qaldy. Áıtpese buǵan deıin №70 avtobýsty júrgizgenmin. Ol tym eski edi. Jolaýshylar amal­dyń­ joqtyǵynan minetin. Onymen qosa, synyp, jóndeýde turatyn. Sol kezde avtobýs reısi keshigetin. Jetis­peýshilik bolatyn. Qazir onyń bári óz sheshimin taýyp keledi, – deıdi Eldos Bolatuly.

Jalpy, bıylǵa oblys bo­ıynsha qala ishinde qatynaıtyn 195 jańa avtobýs satyp alý josparlanǵan. Búginde onyń 95-i jolǵa shyqqan. Qalǵan 100 avtobýs jyl sońyna deıin satyp alynyp, qoldanysqa berilmek.

– Jyl sońyna deıin 100 avto­­­­­býs­­­­t­yń 96-syn №3 avtobýs par­ki,­­­­ al qalǵan tórteýin «Reıs» JM­­­­­ satyp alady. №3 avtoparki 36 av­to­­­­­býsty qalaaralyq marshrýt­tar­­ boıynsha júrgizedi. Iаǵnı ondaǵy júr­­­gen eski avtobýstar jańarady, – deı­­di Jolaýshylar kóligi jáne avto­mo­­bıl joldary basqarmasynyń bas­­shysy Maqsut Qojanov.

Basqa aýdan, qaladaǵy jolaýshylar qatynasy da nazarda. Máselen, byltyr Saran qalasyna sý jańa 11 avto­býs satyp alynyp, qalaishilik qoldanysqa berilgen. Bıyl Abaı aýdanyna jyl sońyna deıin «SemAZ» zaýy­tynan 8 avtobýs satyp alynbaq. Osy arqyly aýdanishilik baǵytta qaty­naıtyn eski avtobýstardy jańar­tý kózdelip otyr.

– Buǵan qosa Balqash qala­sy­ boıyn­sha da qalaishilik marsh­rýt­taǵy eskirgen avtobýstardy­ tolyq aýys­tyrý máselesi pysyq­talyp ja­tyr. 29 jańa avtobýs satyp almaq josparymyz bar. Avtobýstar kele­si jyldyń basynda Balqashqa jet­ki­zi­le­di, – deıdi M.Qojanov.

Osyǵan deıin №5 avtopark­ke­ 59 avtobýs jetkizilgenin ha­bar­­­­laǵanbyz. Bul jańalyqqa Prı­shah­­tınsk tur­ǵyn­dary erekshe­ qýanǵan-tyn. Bu­ryn­ osy baǵytta qatynaıtyn №145 jáne №45 avto­býs­tardyń deni eskir­gen­ edi. Qazir jolaýshylar «Eýro-5» eko­lo­gııalyq standarty talaptaryna tolyq saı jańa marshrýtpen qaty­nap júr.

Oblys ákimi Ermaǵanbet Bólek­paev­ №5 avtoparktegi kezde­­sýinde qoǵa­m­dyq kóliktiń jumys kestesin uzar­tý kerektigin tap­syr­ǵan edi.

– Osymen úshinshi jyl qoǵam­dyq kólikti jańartýmen turaqty túrde aına­lysyp kelemiz. «Onay» elektron­dy­ bıletteý júıesin engizdik. Qala­lyq marshrýttarda ǵana emes, qala ma­ńyndaǵy marshrýttarda da jol júrý­di eki esege jýyq arzandatýǵa múm­kindik jasadyq. 18 jasqa deıingi bala­lardy tegin jol júretin qyl­dyq. Endi Prıshahtınsk turǵyn­da­ry­nyń úıine jetýi úshin avto­býs­tar­dyń jumys ýaqytyn 21.00-ge deıin uzartý máselesi ǵana qaldy. Qala­aralyq avtobýstardy da jańar­tý kózdelgen. Eń suranysqa ıe ba­ǵyt­tar­dyń biri Qaraǵandy – Temirtaý baǵy­tyna shyǵady. Jaqyn arada Bal­qash qalasynyń da avtobýs parki jańa­rady. №5 avtoparktiń ıeleri sol­ jerde de jumys isteıdi, – degen edi ákim.

Jańa avtobýstar jyldam­dyq­­ty shekteıtin datchıktermen, jú­rip-turýy qıyn jolaýshylarǵa ar­­nal­ǵan kótergishtermen jab­dyq­­­t­alǵan. Olardyń klırensi jo­ǵa­ry, júrgizýshige qońyraý shalý túı­mesi bar. Avtobýstar «Eýro-5» ekologııalyq standarty talap­ta­ryna tolyq jaýap beredi. Sy­ıym­dy­lyǵy – 80 adam. Qaı aıaldamalarǵa qa­ty­naıtyny jaıly elektrondy taqtada kórsetiledi. Endi qala ishin­degi avtobýstar jasyl bolsa, qala­ara­lyq marshrýttardyń túsi kók bola­dy.

Qazir avtopark tehnı­ka­la­rynyń 80 paıyzy jańartylǵan. Mundaı baǵyt­taǵy jumystar áli jalǵasady.

Qaraǵandy oblysy