Aýǵanstanda Qazaqstan qutqarýshylary qıraǵan úıindilerdiń astynan 5-6 jastaǵy balanyń denesin taýyp alyp shyqty, dep habarlaıdy Egemen.kz.
Aýǵanstanda júrgen Qazaqstan qutqarýshylary joıqyn jer silkinisiniń saldaryn joıý jumystaryn jalǵastyryp jatyr. Olar Naıbrofı eldi mekeninde 211 úı fragmentiniń úıindisin bólshektedi. «Bir qatarmen» ádisi boıynsha qutqarýshylar 487 ýchaskeni jaıaý júrip ótti. Osy eldi mekende 700 qıraǵan úıdiń ýchaskesi tekserildi.
«Tolyǵymen qıraǵan turǵyn úıdiń bireýin bólshekteý barysynda qutqarýshylar qaıtys bolǵan 5-6 jastaǵy balanyń denesin taýyp alyp shyqty», delingen TJM habarlamasynda.
Qazaqstan qutqarýshylary aýǵan tarapynyń ókilderimen birge Naıbrofıden 10 km qashyqtyqta ornalasqan Sııahan eldi mekeninde tolyǵymen qıraǵan úılerdiń astyn tekserdi. Cholk eldi mekeninde de úıindilerdi bólshekteý jumystary júrgizildi. Zardap shekkender tabylǵan joq.
Qazaqstandyq qutqarýshylar 80 jergilikti turǵynǵa, onyń ishinde 11 balaǵa medısınalyq kómek kórsetti. Qatty aftershok faktileriniń jıileýine jáne bólingen ýchaskedegi jumystardyń aıaqtalýyna baılanysty Qazaqstan TJM jasaǵy Gerat qalasyna jolǵa shyqty.
Eske salaıyq, 10 qazanda Qazaqstannyń 45 qutqarýshysy Aýǵanstanǵa kómek kórsetý úshin ketken bolatyn.