Erteń Helsınkıde fýtboldan 2024 jylǵy Eýropa chempıonatyna irikteý matchy ótedi, onda Fınlıandııa quramasy Qazaqstan quramasyn qabyldaıdy, dep habarlaıdy Egemen.kz Sports.kz saıtyna silteme jasap.
Fınlıandııa - Qazaqstan matchynyń tikeleı translıasııasy Astana ýaqytymen saǵat 22:00-de bastalady. Bul oıyndy Qazsport telearnasynan tikeleı efırde kóre alasyzdar.
Aıta keteıik, jeti matchtyń qorytyndysy boıynsha Qazaqstan men Fınlıandııa quramalarynda 12 upaıdan bar. Fınlıandııa úshinshi orynda, Qazaqstan tórtinshi orynda (fınder qosymsha kórsetkishter boıynsha artyqshylyǵyna baılanysty alda). Eýro-2024 irikteý kezeńindegi sońǵy matchynda Qazaqstan quramasy syrtta Danııa quramasynan jeńilip qaldy (1:3), al Fınlıandııa quramasy syrtta Slovenııadan (0:3) jeńildi.