Almatyda qyrkúıek aıynan beri «Tehnıkalyq jáne kásiptik, orta bilimnen keıingi bilim berý pedagogteriniń kásibı quzyrettiligin damytý» taqyrybynda biliktilikti arttyrý kýrstary ótip jatyr. Bul tehnıkalyq jáne kásiptik bilim berý uıymdarynyń arnaıy pánder oqytýshylary men óndiristik oqytý sheberlerine arnalǵan.
«Talap» ortalyǵy uıymdastyrǵan kýrs baǵdarlamasy elektrenergetıka jáne elektrtehnıka, kólik quraldary, sán jáne dızaın, bilim, densaýlyq saqtaý, mehanıka jáne metall óńdeý, tamaqtanýdy uıymdastyrý, aýdıo vızýaldy quraldar jáne medıa óndirisi, toqyma, bıznes, basqarý jáne quqyq, aqparattyq-kommýnıkasııalyq tehnologııalar, qurylys jumystary, shashtaraz jáne kosmetologııalyq qyzmetter, materıaldar óndirisi baǵyttaryn qamtıdy.
Atalǵan kýrsqa Almaty qalasynyń tehnıkalyq jáne kásiptik, orta bilimnen keıingi bilim berý uıymdarynan 500-ge jýyq pedagog qatysyp, jumys ári oqý baǵdarlamasyn ázirleý, kásiptik bilim berýdegi negizgi pedagogıkalyq tehnologııalar, óndiris mamanyna qoıylatyn negizgi talaptarǵa qatysty biliktilikterin arttyrý ústinde.
Sonymen birge tyńdaýshylar oqý baǵdarlamasyn ázirleýge daǵdylanyp, bilim berýdegi pedagogıkalyq tehnologııalardy tájirıbede qoldaýmen qatar seriktestik-yntymaqtastyq, tereń tyńdaý ádisi, ómirlik tepe-teńdik sheńberi, qanaǵattaný shkalasy, logıkalyq deńgeıler pıramıdasy, ýaqyt syzyǵy sııaqty arnaıy koýchıng ádisterin de meńgerip jatyr. Qarastyrylǵan úsh modýl sheńberinde kýrs tyńdaýshylary óndiristik bazalarda qurylǵylarmen jumys istep, mamandarmen tájirıbe almasýy da qarastyrylǵan. Sondaı-aq osy kýrs aıasynda kolledj basshylary men ádiskerlerine arnalǵan túrli taqyryptaǵy baǵdarlamalar da oqytylyp jatyr.
ALMATY