Bul týraly Aqordanyń baspasóz qyzmetinen málim boldy, dep habarlaıdy Egemen.kz.
«Ulttyq ǵylymı kardıohırýrgııa ortalyǵy» KeAQ dárigeri S.Andosova, «M.Qozybaev atyndaǵy Soltústik Qazaqstan ýnıversıteti» KeAQ professory A.Pleshakov, «Shyńǵa órleý» QQ dırektory R.Sypabekova, «Mańǵystaý oblystyq múgedektik sport klýby» KMM aǵa bapkeri N.Qulyshov jáne basqa da azamattar «Qurmet» ordenimen marapattaldy.
О́nerkásip, transport, qurylys, aýyl sharýashylyǵy jáne basqa da materıaldyq óndiris salalarynyń 94 jumysshysy men eńbekkeri III dárejeli «Eńbek Dańqy» ordenin ıelendi.
II dárejeli «Dostyq» ordeni «Alǵa, Peterbýrg» ınternet jobasynyń avtory Ivan Chervınskııge berildi.
Al fýtboldan Qazaqstan ulttyq quramasynyń oıynshylary Ashat Taǵybergen, Bahtııor Zaınýtdınov jáne Maksım Samorodov «Eren eńbegi úshin» medaline laıyq dep tanyldy.
«Erligi úshin» medalimen Murat Esenqabylov pen Talǵatbek Tóleýbaev nagradtaldy. Murat Esenqabylov órtenip jatqan kólik ishinen 3 áıel men 5 balany aman alyp qalsa, Talǵatbek Tóleýbaev tilsiz jaýdy aýyzdyqtaýda úlken erlik kórsetken.
Para jeńil atletıka sportshysy, birneshe respýblıkalyq saıystardyń jeńimpazy Aısulý Súleımenovaǵa «Shapaǵat» medali tabystaldy.
«Qazaqstannyń eńbek sińirgen qaıratkeri» qurmetti ataǵy ǵylym jáne mádenıet salalarynyń 31 kórnekti ókiline jáne «Qazaqstannyń eńbek sińirgen ustazy» qurmetti ataǵy Aqmola oblysy «№4 «Bolashaq» oblystyq mamandandyrylǵan mektep-lıseı-ınternatynyń muǵalimi Ú.Eńsebaevaǵa berildi. Qazaqstan Respýblıkasynyń Qurmet gramotasymen 143 adam nagradtaldy.
Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi men qajyr-qaıraty úshin áskerı qyzmetshiler men quqyq qorǵaý organdarynyń ókilderi I jáne II dárejeli «Dańq» ordenderimen, II jáne III dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy.