Meksıkanyń Kankýn qalasynda jalaýy jelbiregen WTA qorytyndy týrnıriniń jerebesi tartylyp, Elena Rybakınanyń qarsylastary belgili boldy.
Jerebe qorytyndysy boıynsha Qazaqstannyń birinshi, álemniń 4-raketkasy E.Rybakına alǵash ret qatysyp jatqan jarysynda álemniń 1-raketkasy Belarýs Arına Sobolenko, amerıkalyq Djessıka Pegýla (5), grekııalyq Marııa Sakkarımen (9) bir topta synǵa túsedi. Ekinshi topta Iga Shventek (2), Korı Gaýff (3), Ons Jaber (7), Marketa Vondroýshova (6) oınaıdy.
Ár toptan úzdik shyqqan eki tennısshi jartylaı fınalǵa joldama alady. Jerlesimiz tusaýkeser kezdesýin búgin tańda D.Pegýlamen ótkizdi. Ekeýi buǵan deıin úsh ret sheberlik baıqasyp, ekeýinde amerıkalyqtyń baǵy janǵan.