30, 31 qazan jáne 1 qarasha kúnderi Qaraǵandy oblysy Kostenko atyndaǵy shahtada qaza tapqan kenshilerdi jerleý rásimi ótedi. Olardy sońǵy saparǵa týystary men dostary shyǵaryp salady, dep jazady Egemen.kz.
Qaraǵandy oblysynyń ákimdigi men «ArselorMıttal Temirtaý» kompanııasy qaza tapqandardyń týystaryna jerleý rásimderin uıymdastyryp, qarjylaı kómek kórsetedi.
Eske sala keteıik, 28 qazan kúni saǵat 02.33-te Qaraǵandy oblysyndaǵy «ArselorMıttal Temirtaý» kompanııasyna tıesili Kostenko shahtasynda jarylys boldy. Apat kezinde shahtada 252 adam bolǵan, 205 kenshi jer betine shyǵarylǵan.
Bas prokýratýra Kostenko atyndaǵy shahtadaǵy oqıǵaǵa qatysty qylmystyq is qozǵady. Boljam boıynsha, lavada gaz metanynyń jarylysy bolǵan.
Oqıǵa ornyna Qazaqstan Prezıdenti Qasym-Jomart Toqaev bardy. Memleket basshysy qaza bolǵan kenshilerdiń týǵan-týystary men jaqyndaryna kóńil aıtty. Memleket basshysynyń tapsyrmasy boıynsha olarǵa jan-jaqty kómek kórsetiledi.
Sondaı-aq Memleket basshysy «ArselorMıttal Temirtaý» kompanııasymen ınvestısııalyq yntymaqtastyqty toqtatýdy tapsyrdy.
Qazir «ArselorMıttal Temirtaý» AQ-ǵa qarasty 8 shahtanyń jumysy toqtatyldy.