29 qazan kúni «Barys» óz muzaıdynynda Nıjnıı Novgorodtyń komandasy «Torpedony» qabyldap, 1:2 esebimen ese jiberdi. Kezdesý Qaraǵandy oblysynda qaza bolǵan shahterlerdi bir mınýttyq únsizdikpen eske alýmen bastaldy.
Oıynnyń alǵashqy kezeńi torpedolyqtardyń basymdyǵymen ótti. Alma-kezek shabýyldardyń birinde qonaqtar sapynan Vladıslav Fırstovtyń qanjyǵasy maılanyp, 15:34 sekýndta esep ashty. Ekinshi kezeńde 6 500-den asa jankúıerdiń saly sýǵa ketti. Sebebi oıynnyń 26:40 sekýndynda Egor Vınogradov barystyqtardyń qaqpasynan sańylaý tapty – 0:2.
Tek úshinshi kezeńde ǵana Batyrlan Muratov (43:49 sekýnd) tarazy basyn qysqartyp, úmit syılaǵan edi. Alaıda odan keıin Ǵalym Mámbetalıev shákirtteri taǵy da qarsylastar qaqpasyna shaıba soǵýǵa shamasy jetpedi. Qorytyndy esep 1:2, qonaqtardyń paıdasyna sheshildi.