Kún tártibinde – qaýipsizdik máselesi

Is-sharaǵa Parlament pala­ta­larynyń depýtattary, Kons­tı­týsııalyq sottyń, Qarýly Kúshterdiń, basqa da áskerler men áskerı quralymdardyń, áskerı joǵary oqý oryndarynyń, mem­lekettik organdardyń, halyq­aralyq uıymdardyń, ǵylymı qoǵamdastyq ókilderi, sondaı-aq elimizde akkredıttelgen áskerı attasheler qatysty.

Qorǵanys mınıstrligi Áskerı bilim jáne ǵylym depar­tamentiniń basshysy, general-maıor Jumabek Ahmetov Qorǵanys mınıstri general-polkovnık Rýslan Jaqsy­lyqovtyń quttyqtaý sózin jetkizdi.

Mınıstrdiń ǵylymı fo­rýmǵa qatysýshylarǵa joldaýyn­da: «Áleýmettik úderisti, eko­no­mıkalyq turaqtylyq pen ádi­lettilikti qamtamasyz ete otyryp, biz halyqty qorǵaý men beıbit bolashaqty qalyptastyrý úshin berik negiz qalaımyz. Búgingi kezdesý pikirler men tájirıbeler, ázir­lemeler men syndarly usy­nystar almasý úshin jemisti alańǵa aınalyp qana qoımaı, keleshektegi jumysqa oń serpin berýge tıis», dep atap ótilgen.

Konferensııa úsh taqyryp­tyq blok boıynsha, onyń ishinde «Áskerı qaterler», «Qazaqstannyń sý qaýipsizdigi» jáne «О́ńirdegi turaq­syzdyqtyń áleýmettik-eko­no­mıkalyq faktorlary» taqy­­rybynda ótti. Is-sharany uıym­dastyrýshylardyń pikirinshe, «qaýipsizdik» termıni búginde kıberkeńistik pen aq­parattyq tehnologııalardan bastap tabıǵı resýrstar men áleýmettik-ekono­mıkalyq turaq­tylyq úshin kúreske deıingi kóp­tegen ómirlik salany qamtıdy.

Elimizdiń áskerı doktrınasynda aqparattyq jáne psıho­logııa­lyq áser áskerı qaýipsizdikti qamta­masyz etýge eleýli áser etýi múmkin faktorlarǵa jatqy­zylǵanyn atap ótý kerek. Búgingi tańda aqparattyq keńistik qarsy­lasýdyń jańa salasy retinde qarastyrylýy kez­deısoq emes.

Konferensııada atalǵan máse­­le­lerge jan-jaqty taldaý júr­gizilip, eń ózekti syn-qater­ler anyqtaldy jáne óńirdegi beıbit­shilik pen turaqtylyqty nyǵaıtýǵa baǵyttalǵan usy­nymdar ázirlendi.

Konferensııaǵa qatysýshylar qaýipsizdik qaterlerine qarsy is-qımyldyń tıimdi jáne turaq­ty strategııalaryn qalyp­tas­ty­rý úshin qaýipsizdik máse­le­lerin talqylaýǵa óńirdiń bar­lyq elderiniń saraptamalyq qoǵam­dastyǵyn, kásibı jáne ǵylymı áleýetin belsendi tartý qajettigin atap ótti.