Qazaqstan Qorǵanys mınıstrliginiń delegasııasy Beıjińde júr. Pekınde ótetin H Sıanshan forýmynda álemdegi qaýipsizdikti saqtaý salasyndaǵy máseleler talqylanbaq. Bıyl ony Qytaıdyń halyqaralyq strategııalyq zertteýler ınstıtýty (CIISS) uıymdastyryp otyr, dep habarlaıdy Egemen.kz vedomstvonyń baspasóz qyzmetine silteme jasap.
Sıanshan forýmyna qorǵanys vedomstvolarynyń, halyqaralyq uıymdardyń basshylary, belgili ǵalymdar, eks-saıasatkerler jáne jetekshi sarapshylar shaqyrylǵan.
Halyqaralyq forým aıasynda Qazaqstan Qorǵanys mınıstri general-polkovnık Rýslan Jaqsylyqov QKP Ortalyq áskerı keńesi tóraǵasynyń orynbasary general-polkovnık He Veıdýnmen kezdesti. Oǵan sondaı-aq Qazaqstannyń Qytaıdaǵy Tótenshe jáne О́kiletti elshisi Shahrat Nuryshev ta qatysty. Taraptar Qazaqstan men Qytaıdyń qorǵanys salasyndaǵy ekijaqty yntymaqtastyǵynyń qazirgi jaǵdaıy men keleshegin talqylady.
Sonymen birge Beıjińde Qazaqstannyń Qorǵanys mınıstri qarý-jaraq pen áskerı tehnıka óndirisine mamandanǵan qorǵanys-ónerkásip kesheni kásiporyndarynyń jumysymen, olardyń ónimderimen tanysýdy josparlap otyr. Olardyń qatarynda SATIC ulttyq aero-tehnologııalyq korporasııasy men qytaılyq NORINCO coltústik ónerkásiptik korporasııasy bar.