Ońtústik Koreıanyń Changvon qalasynda nysana kózdeýden ótip jatqan Azııa chempıonatynda otandasymyz Arına Altýhova Parıj jazǵy Olımpıadasynyń joldamasyn ıelendi, dep habarlaıdy Egemen.kz Týrızm jáne sport mınıstrligine qarasty Sport jáne deneshynyqtyrý isteri komıtetiniń baspasóz qyzmetine silteme jasap.
50 metr qashyqtyqtan pnevmatıkalyq tapanshamen úsh pozısııadan oq atý básekesinde otandasymyz fınalda 5-oryn ıelenip, Parıj Olımpıadasynyń joldamasyna ıe boldy.
Bul Qazaqstan quramasy úshin osy sport túrindegi ekinshi lısenzııa.
Bakýde ótken álem chempıonatynda alǵashqy joldamany Islam Sátpaev alǵan edi.
Ońtústik Koreıa eli uıymdastyrǵan Azııa chempıonaty 2 qarasha kúni máresine jetedi. Qurlyq dodasynda Parıj jazǵy Olımpıadasynyń 24 joldamasy taratylady.