Vedomstvoaralyq jedel-tergeý toby «ArselorMıttal Temirtaý» AQ Kostenko atyndaǵy shahtasynda bolǵan oqıǵalardy tergeýdi jalǵastyryp jatyr. Bul týraly Bas prokýratýranyń baspasóz qyzmeti habarlady, dep jazady Egemen.kz.
Vedomstvo ókilderi málim etkendeı, gaz-metan qospasynyń jarylýynyń sebepteri men jaǵdaılaryn anyqtaý maqsatynda shahtaǵa túsý arqyly oqıǵa ornyn alǵashqy tekserý júrgizildi.
Osy oraıda aýysym qyzmetkerlerinen, «AMT» Kómir departamentiniń basshylary men jaýapty qyzmetkerlerinen jaýap alynyp, birqatar sot saraptamalary taǵaıyndaldy. Dálirek aıtqanda, jarylys-tehnıkalyq, bıologııalyq, genomdyq-molekýlalyq zertteýler júrgiziledi.
«Kenshiler eńbeginiń qorǵalýynyń materıaldyq qamtamasyz etilý talaptaryna sáıkestigin tekserý jáne qorytyndy berý úshin memlekettik aýdıt mamandary men basqa da sarapshylar tartyldy. Shahtada jumystardy uıymdastyrýǵa jáne qaýipsizdik tehnıkasyn qamtamasyz etýge arnalǵan qujattamalar alynyp, taldanyp jatyr. О́zge de qajetti is-sharalar pysyqtaldy», delingen resmı aqparatta.
Bul rette kináli tulǵalardyń is-áreketterine tıisti quqyqtyq baǵa beriletini de habarlandy.
«Tergeý jalǵasyp jatyr. Qylmystyq is Bas Prokýrordyń jeke baqylaýynda. О́zge aqparat Qazaqstan Respýblıkasy Qylmystyq prosestik kodeksiniń 201-babyna sáıkes jarııa etýge jatpaıdy», delingen habarlamada.