Qasym-Jomart Toqaev Túrki memleketteri uıymynyń H sammıtine ózi arnaıy qatysqany úshin Gýrbangýly Berdimuhamedovke rızashylyǵyn bildirdi, dep habarlaıdy Egemen.kz Aqordanyń baspasóz qyzmetine silteme jasap.
Qazaqstan Prezıdenti Túrikmenstan Halk Maslahatynyń tóraǵasymen búgingi kezdesýi baýyrlas eki el men onyń halyqtary arasyndaǵy ózara seriktestiktiń odan ári nyǵaıýyna yqpal etetinin atap ótti. Memleket basshysynyń aıtýynsha, qazaq-túrikmen qarym-qatynasy tabysty damýda jáne strategııalyq áriptestiktiń deńgeıine tolyq saı keledi.
– Qazaqstanda Sizdi Túrikmenstannyń kóshbasshysy, zamanymyzdyń kórnekti memleket qaıratkeri retinde tanıdy. Siz Qazaqstan men Túrikmenstan arasyndaǵy yntymaqtastyqtyń damýyna zor úles qostyńyz. Sondyqtan Sizdiń osy jıynǵa kelýińizdiń jáne búgingi kezdesýimizdiń saıası máni zor dep sanaımyn. Eki eldiń yntymaqtastyǵyn odan ári nyǵaıtý turǵysynan pysyqtaıtyn ortaq isterimiz bar. Biz – baýyrlas ári kórshiles eldermiz. Qazaqstan men Túrikmenstan arasynda eshqandaı túıtkil joq. Eki el bir-birine qashanda tileýles, – dedi Memleket basshysy.