Qazaqstanda kıik etin ótkizetin et kombınattary Aqmola, Qaraǵandy, Qostanaı oblystarynda, sondaı-aq Batys óńiri boıynsha 3 pýnkt Oralda, qalǵan bireýi Atyraýda jumys istep tur. Bul týraly salaǵa jaýapty mınıstrlik habarlady, dep jazady Egemen.kz.
El boıynsha kıik etin ótkizetin 7 kásiporyn bar. Qaýipsizdik birinshi orynda bolǵandyqtan soıý oryndaryna arnaıy veterınar mamandar bekitilgen. Olar ónim sapasyn qadaǵalaıdy. Qazir satýǵa baılanysty monıtorıng júrgizilip jatyr.
Al kıik múıizine qatysty bólek algorıtm bar. Kesilgen soń, nómirlenedi.
Aıta ketken jón, tek Batys Qazaqstan oblysy boıynsha, aınalasy bir aıǵa jýyq ýaqyttyń ishinde 7 myńnan astam kıik aýlandy.
«Et óńdeıtin bes kásiporynǵa birinen keıin birin ákelip jatyr. Beseýimen de kelisimshart jasalǵan edi. Biraq qazir belgili bir sebepterge baılanysty bireýine toqtatyp qoıdyq. Tıisti tekserý júrip jatyr. Qalǵan tórteýine aparylyp jatyr. Báriniń de «Ohotzooprommen» kelisimsharttary bar jáne talaptarǵa saı mal dárigerleri, veterınarlyq laboratorııasy da bar», deıdi Oblystyq orman sharýashylyǵy jáne janýarlar dúnıesin qorǵaý aýmaqtyq ınspeksııasynyń basshysy Nurlan Raqymjanov.