Pensılvanııadan buıyrǵan grant

Otandyq jáne amerıkalyq tarap­tar­dyń yntymaqtastyq jospary 2022 jyldyń qazan aıynda josparǵa engen. Osy jyldyń tamyzynda jeti stýdent ártúrli sebeppen granttar­dan bas tartty. Qalǵan 12 stýdent oqý­dy bastady. Bizdiń taraptyń shaqyrýy boıynsha Pensılvanııa memlekettik ýnı­­versıtetiniń ókili Stefen Barns elimizge kelgen edi. Sapar barysynda ol Ǵylym jáne joǵary bilim mınıstri Saıasat Nurbekpen, sondaı-aq Astana jáne Almaty qalalaryndaǵy tórt ýnı­versıtettiń basshylarymen kezdesti.

«Elimizdegi joǵary oqý oryn­­dary men Pensılvanııa mem­le­ket­tik ýnıversıteti arasyndaǵy ynty­maq­tas­tyq bilim men ǵylym úshin jańa kókjıek ashady. Bólingen granttar men birlesken bilim berý baǵdarlamalary stýdentter men oqytýshylarǵa álemdik bilim berý jáne ǵylymı keńistikke enýge, ony damytyp, ózin ba­ıytýǵa múmkindik beredi. Bul – elimizdiń bolashaǵyna, er­teń­gi kúnimizdi qalyptastyratyn ur­­­paq­qa salynǵan ınvestısııa», dedi Saıasat Nurbek.

Bıyl Pensılvanııa memle­ket­tik ýnıversıteti Ál-Farabı atyndaǵy Qazaq ulttyq ýnı­ver­sıteti, Maqsut Narikbayev University jáne Narhoz ýnıver­sı­tetimen memorandýmǵa qol qoıdy. Búginde bul ynty­maq­tas­tyq óziniń naqty nátı­je­le­rin berip jatyr. 13 qańtarda AQSh-ta Ǵylym jáne joǵary bilim mınıstri ýnıversıtet basshylyǵymen ekinshi ret kezdesken edi. Atap aıtqanda, vıse-prezıdent Djastın Shvarspen, vıse-provost Rodjer Brınd­leımen, Pensılvanııa ýnı­ver­sıteti zań mek­tebiniń dekandarymen júzdesken. Jıyn­da amerıkalyq tarap toly­ǵy­men qoldaǵan fılıal ashý múm­kin­digin tal­qy­landy.

«Pen­sılvanııa memlekettik ýnı­ver­sıte­­tiniń bir ǵana Zań mektebi seriktes ýnı­­ver­sı­tet­terdiń stýdentterine, dok­­­­toranttaryna, ǵylymı qyz­met­kerlerine granttar túrinde 2 mln dollarǵa jýyq tikeleı ınvestısııa bóldi. Bul odan ári yntymaqtastyq úshin jaq­sy úlgi ári óz nátıjelerin kór­set­ti de. Kelesi oqý jylynda biz basqa maman­dyqtar boıynsha qosymsha osyndaı baǵdarlamalardy iske qosýdy josparlap otyrmyz», dedi Stefen Barns.

Kelesi oqý jylynda tek bir ma­man­dyq boıynsha qosymsha 2 mln dollar bólip, 8 mamandyq boıynsha tikeleı ınvestısııany úsh ese arttyrý josparlanyp otyr. Bul maman­dyq­tar qatarynda materıal­taný, kıber­qaýipsizdik, geologııa, munaı ınjenerııasy, aeroǵaryshtyq ınjenerııa, quqyqtaný, halyq­aralyq qatynastar bar. Atal­ǵan ma­man­dyq­tar boıynsha Satbayev University jáne Ál-Farabı atyndaǵy Qazaq ulttyq ýnıversıteti birlesip, «3+1» baǵdarlamasyn ázirlep jatyr. Iаǵnı otandyq stýdentter elde 3 jyl, AQSh-ta 1 jyl oqıdy, tolyq 4 jyl oqý barysynda Qazaqstan ýnı­versıtetiniń bakalavry jáne «PennState» magıstr dıplomyn alady.