Pavlodar oblysy ákiminiń ókimimen, Prezıdent Ákimshiliginiń kelisimimen Serik Batyrǵojınov oblys ákiminiń birinshi orynbasary qyzmetine taǵaıyndaldy, dep jazady Egemen.kz Pavlodar oblysy ákimdiginiń baspasóz qyzmetine silteme jasap.
Serik Batyrǵojınov 1964 jyly Ertis aýdanynda dúnıege kelgen.
1990 jyly Selınograd aýyl sharýashylyǵy ınstıtýtyn «Agronomııa» mamandyǵy boıynsha, al, 2004 jyly Qazaq gýmanıtarlyq-zań ýnıversıtetin «Quqyqtaný» mamandyǵy boıynsha bitirgen. Ekonomıka jáne bıznes magıstri. Ár jyldary Qashyr, Aqtoǵaı, Ertis, Tereńkól, Baıanaýyl aýdandarynyń ákimi qyzmetterin atqardy.
Al oblys ákiminiń orynbasary qyzmetine Dáýren Jambaıbek kiristi.
Dáýren Jambaıbek 1981 jyly týǵan.
Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirgen. Eńbek jolyn Qazaqstan Respýblıkasynyń tabıǵı monopolııalardy retteý jáne básekelestikti qorǵaý agenttiginiń jetekshi mamany bolyp bastaǵan. Ár jyldary Parlament Májilisi depýtatynyń kómekshisi, ekonomıka jáne bıýdjettik josparlaý, óńirlik damý mınıstrlikterinde túrli laýazymdarda qyzmet atqardy. Osy laýazymǵa taǵaıyndalǵanǵa deıin Ulttyq ekonomıka mınıstrliginiń óńirlik damý departamentiniń dırektory bolyp jumys istedi.