Almaty oblysyndaǵy Jetigen aýyly qala bolyp, jańa ataý alady. «Almaty oblysynyń ákimshilik-aýmaqtyq qurylymyna ózgerister engizý týraly» Prezıdent jarlyǵynyń jobasy «Ashyq NQA» saıtynda jarııalandy, dep habarlaıdy Egemen.kz.
«Almaty oblysy Ile aýdanyndaǵy Jetigen aýyly oblystyq mańyzy bar qala qataryna jatqyzylsyn. Almaty oblysyndaǵy jańadan qurylǵan qalaǵa «Alataý» ataýy berilsin», delingen qujatta.
Qujat 29 qarashaǵa deıin qoǵamdyq talqylaý úshin «Ashyq NQA» saıtynda ornalastyrylady.
Jetigen aýyly Almaty oblysy Ile aýdanynda ornalasqan jáne Jetigen aýyldyq okrýginiń ákimshilik ortalyǵy bolyp esepteledi. Jetigen Almaty qalasynyń ortalyǵynan soltústikke qaraı 47 shaqyrymdaı jerde ornalasqan. 2009 jylǵy sanaq boıynsha aýylda 15616 adam turǵan.