Tikushaq taksıdi «Djobı Avıeıshn» kompanııasy qurastyrǵan. Elektr qýatymen jumys isteıtin áýe taksıi Nıý-Iorktiń Manhetten aýdanyndaǵy tikushaq alańynda synaqtan ótti, dep jazady Egemen.kz qazaqstan.tv-ǵa silteme jasap.
Joby Aviation kompanııasynyń negizin qalaýshy Djoben Bevırttiń aıtýynsha áýe taksıine ushqysh pen 4 jolaýshy syıady. Tikushaq taksı saǵatyna 200 mıl jyldamdyqpen ushady. Bul Manhettennen Kennedı áýejaıyna 7 mınýtta jetýge bolatyn kórsetkish.
Osyǵan baılanysty Nıý-Iorkte áýe taksıin ushyratyn alańdardy da jetildirý josparlanǵan.
Joby Aviation kompanııasy AQSh-tyń Azamattyq avıasııa federaldyq basqarmasynan ushý synaqtaryn júrgizýge ruqsat kýáligin alǵan. Al kompanııa áýe taksıi qyzmetin resmı túrde 2025 jyldan bastap usynýdy josparlap otyr.