Týrızm jáne sport mınıstrliginiń baspasóz qyzmeti ótken aptadaǵy Qazaqstan sportshylarynyń jalpy jetistikteri týraly derekterdi jarııalady, dep habarlaıdy Egemen.kz.
Penchak-sılat: Dýbaı (BAÁ) qalasynda eresekter arasynda penchak-sılattan VII Azııa chempıonatynda otandastarymyz 1 altyn, 3 kúmis, 7 qola júldege qol jetkizdi. Sonymen qosa, eresekter arasynda penchak-sılattan Taıaý Shyǵystyń I ashyq chempıonatynda 27 medal (8 altyn, 10 kúmis, 9 qola) jeńip aldy.
Djıý-djıtsý: Kombat djıý-djıtsýdan Latvııada ótken álem chempıonatynda el sportshylary komandalyq esepte top jardy. Graýnd Faıt, Kloss kontakt, Celf jáne Fýll kontakt baǵdarlamasynda Qazaqstan quramasynyń sportshylary 46 altyn, 35 kúmis, 45 qola medal enshiledi.
Fýtbol: Qazaqstan ulttyq quramasy 2024 jylǵy Eýropa chempıonatynyń irikteý kezeńinde San-Marınoǵa qarsy oıynda jeńiske jetti. Elordadaǵy «Astana Arena» stadıonynda ótken matchta Magomed Adıev shákirtteri qarsylastarynan 3-1 esebimen basym tústi.
Kásipqoı boks: Orta salmaqtaǵy otandasymyz Meıirim Nursultanov (19-0, 11 KO) Tashkent (О́zbekstan) qalasynda ótken kásipqoı boks keshinde chılılik boksshy Hýlıo Alamosty (16-1, 9 KO) tóreshilerdiń sheshimimen jeńip, WBC chempıonynyń mindetti qarsylasy atandy.
Tennıs: Grıgorıı Lomakın Mysyrda ótken ITF týrnıriniń juptyq synynda jeńimpaz atandy. Otandasymyz reseılik Evgenıı Fılıppovpen jup qurap, fınalda ıtalııalyq Tomasso Kompanýchchı men serbııalyq Vıktor Iovıchten basym tústi – 6:2, 7:5.
Dzıýdo: О́zbekstannyń bas shahary Tashkentte ótken dzıýdodan jastar arasyndaǵy Azııa chempıonatynda Qazaqstan quramasynyń sportshylary 4 altyn, 1 kúmis, 3 qola medal jeńip aldy. Atap aıtqanda, Nurjan Bısenov, Janarys Rahmetqalı, Ádilet Almat, Nuraılym Sársenbek Azııa chempıony atansa, Muhammedálı Mavlıdov kúmis júldeni qańjyǵasyna baılady, al Karına Takıeva, Arýjan Erejepova, Dana Ábdirovalar qola júldelerdi enshiledi.