О́zbekstannyń Tashkent qalasynda dzıýdo kúresinen jastar men jasóspirimder arasynda Azııa chempıonaty ótti. Elimizdiń jastar quramasy qurlyq dodasynan erler 4 altyn, 1 kúmis, 1 qola, al qyzdar 1 altyn, 1 kúmis, 3 qola júlde ıelendi, dep habarlaıdy Egemen.kz.
Tashkent tórindegi Azııa chempıonatynda 60 keli salmaqta Talǵat Orynbasar fınaldyq beldesýde ózbek balýanyn utty. 66 keli salmaqta kúresken Janarys Rahmetqalı da altyn medal úshin beldesýde ózbekstandyq qarsylasyn jeńdi. 73 kelide Azııa chempıony atanǵan Almat Ádilet tájik balýanynan basym tústi. 81 kelide Nurjan Bısenov te fınalda ózbek sportshysyn jyǵyp, altyn medal ıelendi. 90 kelide kúresken Muhammedálı Mavlıdov Ońtústik Koreıanyń balýanyna ese jiberip kúmis medaldi mise tutty. Erler dodasynda qola medal 60 kelide synǵa túsken Aldııar Qarǵulovqa buıyrdy.
Jastar arasyndaǵy Azııa chempıonatynda qyzdarymyz da qaırat kórsetip, Nuraılym Sársenbek 48 kelide chempıon atansa, 63 kelide Gúlnur Bahanova kúmis, Arýjan Erejepova (52 keli), Dana Ábdirova (57 keli), Karına Takıeva 78 keliden joǵary) Azııa chempıonatynyń qola júldesin oljalady.